Search Help

Search the whole Bible in your chosen Translation.

1. Find Verses Using Words

Examples:

Notes:

2. Find Verses Using Advanced Matching

Finds baptism, baptize, baptized, baptizing

Finds love, loved, loving

3. Find a passage

Opens John chapter 3.

Opens John 3, verses 16–17. A book name on its own, such as "John", searches for that word.

Zabura 29

Biblica® Open Hausa Contemporary Bible™ (OHCB)

Zabura ta Dawuda.

1 Ku ba da girma ga Ubangiji, ya ku manya,

ku ba da girma ga Ubangiji saboda ɗaukaka da kuma ƙarfinsa.

2 Ku ba da girma ga Ubangiji, ɗaukakar da ta dace da sunansa;

ku bauta wa Ubangiji cikin ɗaukakar tsarkinsa.

3 Muryar Ubangiji tana a bisa ruwaye;

Allah Maɗaukaki ya yi tsawa,

Ubangiji ya yi tsawa a bisa manyan ruwaye.

4 Muryar Ubangiji mai iko ce;

muryar Ubangiji da girma take.

5 Muryar Ubangiji ta kakkarya itatuwan al’ul na Lebanon.

Ubangiji ya kakkarya itatuwan al’ul na Lebanon kucu-kucu.

6 Ya sa dutsen Lebanon ya yi ta tsalle kamar ɗan maraƙi,

Siriyona kuma kamar ɗan jakin jeji.

7 Muryar Ubangiji ta buga

da walƙatar walƙiya.

8 Muryar Ubangiji ta girgiza hamada

Ubangiji ya girgiza Hamadan Kadesh.

9 Muryar Ubangiji ta murɗa itatuwan oakb

ya kakkaɓe itatuwan kurmi.

Kuma a cikin haikalinsa kowa ya ce, “Ɗaukaka!”

10 Ubangiji na zaune yana sarauta a bisa rigyawa;

Ubangiji yana sarauta kamar Sarki har abada.

11 Ubangiji kan ba da ƙarfi ga mutanensa;

Ubangiji kan albarkace mutanensa da salama.

Translator’s notes

  1. 29:6 (a): Wato, Dutsen Hermon
  2. 29:9 (b): Ko kuwa Ubangiji ya sa barewa ta haihu.

Zabura 29