40 Bible Verses About Procrastination

Biblica® Open Ang Pulong sa Dios™ (OCCB)

Bible Verses About Procrastination
  1. 6 Kamong mga tapolan,

    obserbahi ug kat-oni ang pagkinabuhi sa mga lamigas,

    aron magmaalamon kamo.

    7 Bisan walay pangulo o tigdumala nga nagsugo kanila,

    8 nagtigom silag pagkaon

    sa panahon sa ting-init ug ting-ani,

    aron aduna silay pagkaon sa ting-ulan.

    9 Kamong mga tapolan, magsige ra ba gayod mo ug katulog?

    Kanus-a man mo magmata?

    10 Sige ramog tulog-tulog,

    hayang-hayang, ug panguyogpos,

    11 unya sa kalit lang moabot kaninyo ang kawad-on

    nga daw sa armadong tulisan.

  2. 13 Ang tawong tapolan dili mogawas sa balay

    kay kuno adunay liyon sa gawas.

    14 Ang tawong tapolan magbalibali lag higda diha sa iyang katre

    sama sa pultahan nga magliso-liso diha sa iyang bisagra.

    15 Adunay mga tawo nga labihan kaayo katapolan

    nga bisan lag mokaon tapolan pa.

    16 Nagtuo ang tawong tapolan nga mas maalamon pa siya

    kaysa pito ka tawong maayong mangatarungan.

  3. 4 Ang tapolan nga modaro sa panahon sa tingtanom walay anihon.

  4. 4 Ang pagkatapolan makapakabos sa tawo,

    apan ang pagkakugihan makapaadunahan kaniya.

    5 Ang nagtigom ug pagkaon sa ting-ani maalamon nga tawo,

    apan ang magsige lag katulog makauulaw.

  5. 24 Ang kugihan nga tawo

    makaangkon ug taas nga katungdanan,

    apan ang tapolan mubo rag posisyon.

  6. 4 Kon tapolan ang usa ka tawo,

    bisan unsa pay iyang pangandoyon

    dili gayod niya maangkon,

    apan kon kugihan siya,

    maangkon niya ang labaw pa sa iyang gipangandoy.

  7. 59 Unya miingon si Jesus sa usa ka tawo, “Uban kanako!”

    Mitubag ang tawo, “Ginoo, mopauli una ako aron sa paglubong sa akong amahan.”

    60 Mitubag si Jesus kaniya, “Pasagdi ang mga patay sa paglubong sa ilang mga minatay. Apan ikaw, lakaw ug iwali ang mahitungod sa paghari sa Dios.”

    61 Adunay usa pa gayod nga miingon kang Jesus, “Ginoo, mouban ako kanimo; apan tugoti una ako nga mopauli ug manamilit sa akong pamilya.”

    62 Mitubag si Jesus kaniya, “Ang tawo nga magdaro nga magsigeg lingi dili mapuslanon sa gingharian sa Dios.”

  8. 30 Miagi ako sa uma sa usa ka tawong tapolan

    ug walay panabot.

    31 Puno na kini sa mga sagbot ug sampinit,

    ug guba na ang koral niini.

    32 Gipamalandongan ko pag-ayo kining akong nakita

    ug nakuha ko kini nga leksyon:

    33 Higda-higda, tulog-tulog,

    ug pagpangiyugpos gamay, tawong tapolan,

    34 ug sa kalit lang moabot kanimo ang kawad-on

    nga daw sama sa armadong tulisan.

  9. 15 Busa pagmatngon kamo sa inyong pagkinabuhi. Ayaw kamo pagkinabuhi sama sa mga wala makasabot, kondili pagkinabuhi kamo isip mga tawo nga nakasabot sa kabubut-on sa Dios. 16 Ayaw ninyo usiki ang inyong panahon, kondili gamita ninyo kini sa pagbuhat ug maayo, tungod kay daotan kining mga adlawa. 17 Ayaw kamo pagpakabuang, kondili sabta ninyo kon unsa ang kabubut-on sa Ginoo alang kaninyo.

  10. 9 Ang tawong tapolan sama kamaot

    sa tawong tigpangdaot.

  11. 13 Ang tapolan nga tawo dili mogawas sa balay kay basin kuno

    ug adunay liyon sa gawas ug tukbon siya.

  12. 19 Kon tapolan ka mahimong lisod ang imong kinabuhi,

    apan kon magkugi ka maharuhay imong kinabuhi.

  13. 13 Kon sige ka lang ug katulog, magutman ka.

    Bangon ug pagtrabaho,

    ug moabunda ang imong pagkaon.

  14. 25 Bisan daghan kag gihandom apan tapolan ka,

    maghatod kini kanimo sa kalaglagan.

    26 Ang tawong tapolan kanunayng maghandom

    nga adunay mohatag,

    apan ang tawong matarong dili managana mohatag.

  15. 13 Pamati kamo kanako, kamo nga nag-ingon, “Karon o ugma moadto kami sa usa ka siyudad, ug didto kami mopuyo sa usa ka tuig. Magnegosyo kami ug magtigom ug daghang kuwarta.” 14 Ang tinuod, wala gani kamo masayod kon unsa ang mahitabo kaninyo ugma. Kay ang atong kinabuhi sama lang sa gabon nga makita karon, ug sa dili madugay mawala. 15 Mao hinuon kini ang angay ninyong isulti, “Kon itugot sa Ginoo, ug buhi pa kami, mao kini o mao kana ang among buhaton.” 16 Apan karon, nagpasigarbo hinuon kamo ug nagpadayeg. Ang tanang mga pagpasigarbo nga sama niana daotan.

  16. 27 Ang tawong tapolan dili makakab-ot sa iyang gipangandoy,

    apan ang tawong kugihan maadunahan.

  17. 13 Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.

  18. 7 Nasayran na ninyo nga kinahanglan sundon ninyo ang among gibuhat. Sa diha pa kami kaninyo wala kami magtinapolan. 8 Wala kami modawat ug pagkaon gikan kaninyo nga wala namo bayri. Adlaw ug gabii naghago kami aron dili kamo mabug-atan sa pag-atiman kanamo. 9 Gibuhat namo kini, dili tungod kay wala kamiy katungod sa pagpangayo ug tabang gikan kaninyo alang sa among mga kinahanglanon, kondili gusto namo nga mahimong inyong panig-ingnan. 10 Sa diha pa kami uban kaninyo, nag-ingon kami nga si bisan kinsa nga dili motrabaho, dili pakan-on.

    11 Gipahinumdom namo kini tungod kay nakabalita kami nga adunay mga tapolan diha kaninyo nga walay laing gibuhat kondili ang pagpanghilabot sa uban. 12 Busa sumala sa katungod nga gihatag kanamo sa Ginoong Jesu-Cristo, sugoon ug hangyoon namo kamo nga mangita mo ug kaugalingong panginabuhian, ug dili na manghilabot sa uban.

  19. 15 Kon tapolan ka ug sige rag katulog,

    magutman ka gayod.

  20. 18 Kon ang usa ka tawo tapolan moatiman sa atop sa iyang balay,

    magtulo kini ug mahugno ang mga sablayan.

  21. 60 Gituman ko dayon ang imong mga sugo.

  22. 33 Busa unaha ninyo ang pagpasakop sa paghari sa Dios ug ang pagtuman sa iyang kabubut-on, ug ihatag gayod niya ang tanan ninyo nga mga gikinahanglan. 34 Busa ayaw kamo kabalaka kon unsa ang mahitabo bahin sa ugma, kay ang ugma adunay kaugalingon nga suliran. Dili na kinahanglan nga dugangan pa ninyo ang suliran nga naabot sa matag adlaw.

  23. 1 Tungod kay kami mga katabang sa Dios, nanghangyo gayod kami kaninyo nga dili ninyo isipon nga walay kapuslanan ang grasya nga inyong nadawat gikan kaniya. 2 Kay nag-ingon ang Dios,

    “Sa husto nga panahon gipatalinghogan ka nako,

    ug sa panahon sa kaluwasan gitabangan ka nako.”

    Busa paminaw kamo! Karon gayod ang husto nga panahon nga luwason kita sa Dios.

  24. 23 Bisan unsay inyong himuon, himoa ninyo sa kinasing-kasing, ingon nga kamo nag-alagad sa Ginoo ug dili sa tawo. 24 Nasayran usab ninyo nga adunay panulondon nga ihatag ang Ginoo kaninyo isip inyong ganti. Kay si Cristo nga atong Ginoo mao ang inyong gialagaran.

  25. 9 Mga hinigugma, bisag ingon niini ang among gipanulti, nasiguro namo nga maayo ang inyong kahimtang kon mahitungod sa inyong kaluwasan. 10 Matarong ang Dios, ug dili gayod niya mahimong kalimtan ang inyong mga maayong binuhatan ug ang inyong gugma kaniya nga inyong gipakita ug padayon nga ginapakita pinaagi sa pagtabang sa susama ninyong katawhan sa Dios. 11 Buot namo nga ang kada usa kaninyo magpadayon nga mahugtanon sa inyong paglaom sa Dios hangtod sa kataposan, aron madawat ninyo ang inyong gilaoman. 12 Dili kamo magtinapolan, kondili sunda hinuon ninyo ang panig-ingnan sa mga tawo nga pinaagi sa ilang pagtuo ug pagkamainantuson nagdawat sa mga saad sa Dios.

  26. 26 Maingon nga ang suka makapangilo sa ngipon

    ug ang aso makapaluha sa mata,

    ang tapolan nga tawo makapaugtas sa nagsugo kaniya.

  27. 24 Adunay mga tawo nga labihan gayod katapolan

    nga bisan sa pagkaon kapuyan pa.

  28. 4 Kon mosaad ka sa Dios, tumana kini dayon. Tumana gayod ang imong gisaad kaniya kay dili siya gustog mga buang-buang. 5 Mas maayo pa nga dili ka na lang mosaad kaysa mosaad ka, unya dili nimo tumanon.

  29. 4 Samtang adlaw pa kinahanglan nga buhaton nato ang gipabuhat sa Dios nga nagpadala kanako. Kay moabot ang gabii o ang panahon nga wala nay makahimo sa iyang gipabuhat.

  30. 14 Naghangyo usab kami kaninyo nga pasidan-an ninyo ang mga tapolan. Dasiga ninyo ang mga mahadlokon ug tabangi ang mga maluya sa ilang pagtuo. Ug pagmapailubon kamo sa tanan.

  31. 17 Kon nasayran sa tawo kon unsa ang maayo nga angay unta niyang buhaton, apan wala niya kini buhata, nakasala siya.

  32. 9 Busa dili kita angayng pul-an sa pagbuhat ug maayo, kay kon magpadayon kita, moabot gayod ang panahon nga madawat nato ang ganti.

  33. 21 “Kon mosaad kamo sa Ginoo nga inyong Dios, ayaw ninyo pakyasa ang pagtuman niini, kay sigurado gayod nga paninglan kamo niini sa Ginoo nga inyong Dios, ug makasala kamo.

  34. 19 Ang kugihan nga mag-uuma adunay abunda nga pagkaon,

    apan ang naggamit sa iyang panahon sa walay pulos nga mga buluhaton mapobre.

  35. 10 Pagkugi sa tanan mong buluhaton, kay didto sa dapit sa mga patay nga imong padulngan wala nay trabaho, panghuna-huna, kaalam o kahibalo.

  36. 6 Dangop kamo sa Ginoo ug tawag kamo kaniya

    samtang anaa pa siya nga motabang kaninyo.

  37. 16 Pasidunggi ninyo ang Ginoo nga inyong Dios sa dili pa niya ipadala ang kangitngit,

    ug sa dili pa kamo mapandol sa mangitngit nga mga bukid.

    Ang kahayag nga inyong gilaoman himuon niyang labihan kangitngit.

  38. 16 Apan naglangay-langay pa si Lot. Busa tungod kay naluoy ang Ginoo kanila, gikuptan sa mga anghel ang ilang mga kamot ug gidala sila gawas sa lungsod.

  39. 11 Ang kugihan nga mag-uuma adunay abunda nga pagkaon,

    apan ang walay pagsabot

    mag-usik-usik sa iyang panahon sa walay kapuslanan.

  40. 23 “Busa bisan anaa na ikaw sa halaran, nga nagdala sa imong halad ngadto sa Dios, ug unya mahinumdoman nimo nga nasilo ang imong igsoon kanimo, 24 biyai ang imong halad duol sa halaran ug adtoa una ang imong igsoon ug pakig-uli kaniya. Unya balik ka ug padayon sa imong paghalad.

    25 “Kon adunay mokiha kanimo, pakighusay kaniya sa dili pa kamo moabot ngadto sa korte. Kay kon didto na kamo sa korte, itugyan ka sa huwes ngadto sa pulis ug unya prisohon ka.