48 Bible Verses About Greed
Biblica® Open Ang Pulong sa Dios™ (OCCB)
-
6 Hinuon, kon ang tawo diosnon ug kontento sa iyang kahimtang, labaw pa siya sa adunahan. 7 Ang tinuod, sa pagkatawo nato dinhi sa kalibotan wala kitay gidala, ug kon mamatay kita, wala usab kitay madala gikan sa kalibotan. 8 Busa, kon adunay pagkaon kita ug adunay bisti, makontento na kita. 9 Apan ang mga tawo nga gustong maadunahan mapukan sa mga pagsulay. Malit-ag sila sa mga walay pulos ug daotan nga mga tinguha nga mao ang makapadaot ug makadala kanila ngadto sa kalaglagan. 10 Kay kon palabihon nato ang kuwarta, maggikan niini ang tanang matang sa kadaotan. Ang uban nga mga tawo, sa sobra nga tinguha sa kuwarta, nahimulag na sa pagtuo ug napuno sa kaguol ang ilang kasing-kasing.
-
15 Unya misulti si Jesus sa mga tawo, “Pagbantay kamo sa tanang matang sa pagkahakog, kay ang tinuod nga pagkinabuhi dili diha sa kadaghan sa kabtangan.”
-
3 Tungod kay mga katawhan na kamo sa Dios, dili maayong paminawon nga hisgotan kamo nga nagbuhat sa mga malaw-ay sama sa pagpakighilawas gawas sa kaminyoon o pagkahakog. 4 Ug dili na maayong paminawon nga magsulti kamo sa mga binastos, o magsulti sa walay pulos nga mga istorya ug malaw-ay nga komedya. Hinuon, magsulti kita ug mga pagpasalamat sa Dios. 5 Timan-i gayod ninyo nga dili makasulod sa gingharian ni Cristo ug sa Dios ang mga tawo nga nakighilawas gawas sa kaminyoon, ang mga tawo nga daotan ug binuhatan, ug ang mga hakog. (Kay ang kahakog usa man ka pamaagi sa pagsimba sa mga dios-dios.)
-
27 Ang tawo nga gaangkon ug bahandi sa daotang paagi
nagdala ug kalisod sa iyang panimalay.
Ang tawo nga dili modawat ug suborno
padayon nga magkinabuhi.
-
1 Kamo nga mga adunahan, paminaw kamo! Panghilak kamo sa hilabihan tungod sa mga kalisod nga modangat kaninyo. 2 Mangadunot ang inyong bahandi ug pangutkuton sa gagmayng mananap ang inyong bisti. 3 Gipangtagoan lang ninyo ang inyong kuwarta, busa gipangtaya ug dili mapuslan. Sa kaulahiang mga adlaw silotan kamo didto sa impiyerno tungod sa inyong kahakog sa kuwarta nga wala ninyo gamita sa kaayohan. Kaanugon lang sa inyong pagtigom kay ang kalibotan hapit na gayod matapos. 4 Pamatia ninyo ang mga reklamo sa mga tawo nga inyong gipatrabaho sa inyong kaumahan apan wala ninyo suholi. Angay ninyong masayran nga ang mga paghilak sa inyong mga mag-aani nadunggan sa Dios nga Makagagahom. 5 Nagpatuyang kamo sa inyong kinabuhi dinhi sa kalibotan. Sama lang nga gipatambok ninyo ang inyong kaugalingon ug gitagana alang sa adlaw sa pag-ihaw. 6 Gihukman ninyo ug gipamatay ang mga tawo nga walay sala, bisan wala sila makasukol kaninyo.
-
10 Si bisan kinsa nga nahigugma sa kuwarta
ug sa uban pa nga bahandi dili makontento niini.
Wala usab kini kapuslanan.
11 Kon nagdugang ang imong bahandi,
nagdugang usab ang buot mohurot niini,
ug dili ka makapahimulos sa imong bahandi.
12 Ang trabahante makatulog ra ug maayo,
gamay man o daghan ang iyang makaon,
apan ang adunahan dili makatulog pag-ayo
tungod sa kadaghan sa iyang bahandi.
-
9 Dili ba nga ang tawo nga nagbuhat ug daotan dili makapanunod sa gingharian sa Dios? Busa ayaw ninyo limbongi ang inyong kaugalingon! Ang mga makighilawas gawas sa kaminyoon, ang mga nagsimba sa mga dios-dios, ang mga mananapaw, ang mga lalaki nga nagbaligya sa ilang dungog, ang mga lalaki nga makighilawas sa sama nilang lalaki, 10 ang mga kawatan, ang mga hakog, ang mga palahubog, ang mga mapasipalahon, ug ang mga mangingilad, dili gayod makapanunod sa gingharian sa Dios. 11 Ang uban kaninyo sama niini kaniadto. Apan nahinloan na kamo sa inyong mga sala, gigahin na kamo sa Dios nga mahimong iya, ug gipakamatarong na tungod kang Ginoong Jesu-Cristo ug tungod sa Espiritu sa atong Dios.
-
25 Ang tawong hakog makahatag ug kasamok,
apan ang tawong nagsalig sa Ginoo mouswag.
26 Ang tawong nagsalig sa iyang kaugalingon buang-buang.
Ang tawong nagkinabuhi nga maalamon layo sa katalagman.
27 Ang tawo nga mahinatagon sa mga kabos dili gayod mawad-an,
apan ang walay pagpakabana sa mga kabos makadawat sa daghang panghimaraot.
28 Manago ang mga tawo kon ang mga daotan ang modumala.
Apan kon malaglag sila, mouswag ang mga matarong.
-
24 “Walay tawo nga makaalagad sa duha ka agalon, tungod kay isalikway niya ang usa ug higugmaon ang usa; modapig siya sa usa ug tamayon niya ang usa. Sama usab niana, dili ninyo madungan ang pag-alagad sa Dios ug sa bahandi.
-
5 Busa isalikway na ninyo ang inyong lawasnong mga tinguha: ang pagpakighilawas gawas sa kaminyoon, ang pagbuhat sa bisan unsa nga malaw-ay, ang pagsunod sa daotang mga tinguha, ug ang paghinakog, kay ang pagkahakog sama ra usab sa pagsimba sa mga dios-dios.
-
19 Mao kanay dangatan sa mga tawong moangkon
ug kabtangan sa daotang paagi.
Mao ra kanay ilang kamatyan.
-
3 Ayaw kaibog sa lamiang pagkaon nga iyang gidalit,
kay basig gipanid-an niya ang imong pamatasan.
4 Ayaw hagoa ang imong kaugalingon sa labihang
pagpaninguha nga maadunahan.
Pagkat-on hinuon sa pagpugong sa kaugalingon
ug sa paghuna-huna kon unsay ensakto.
5 Ang bahandi mawala sa usa lang ka pagpamilok,
nga daw sa aduna kini pako ug molupad palayo sama sa agila.
-
5 Likayi ninyo ang paghigugma sa kuwarta ug pagkontento kamo sa unsa lay anaa kaninyo, tungod kay nag-ingon ang Dios,
“Dili ko gayod kamo biyaan,
ug dili ko gayod kamo pasagdan.”
-
15 Ayaw ninyo higugmaa ang kalibotan o ang kalibotanon nga mga butang. Kon gihigugma ninyo ang kalibotan, wala kamo naghigugma sa Amahan. 16 Kay ang tanan nga kalibotanon, nga gipangandoy sa tawhanong pagbati, nga gikaibgan sa mga mata, ug gipasigarbo sa mga tawo, dili gikan sa Amahan kondili iya sa kalibotan. 17 Ang kalibotan ug ang tanang mga butang niini nga gitinguha sa mga tawo mahanaw, apan ang nagtuman sa kabubut-on sa Dios mabuhi sa walay kataposan.
-
20 Panalanginan gayod ang kasaligan nga tawo,
apan ang tawo nga nagdali nga maadunahan pagasilotan.
21 Dili maayo kon adunay pinalabi.
Apan adunay mga tawo nga naghimo niini
tungod kay nadala sa suborno, bisan gamay kini.
22 Ang tawong hangol ug kuwarta nagdali nga maadunahan,
apan wala siya masayod nga mapobre diay hinuon siya.
-
3 Tungod sa ilang kahakog kining mini nga mga magtutudlo maghimo ug mga tinumotumo nga sugilanon aron pangkwartahan kamo nila. Wala sila masayod nga dugay na sila nga hinukman sa Dios, ug hapit na silang malaglag.
-
3 Gipasigarbo nila ang ilang daotang mga tinguha.
Gitunglo ug gisalikway ang Ginoo
sa mga tawong hakog.
-
19 “Ayaw kamo pagtigom ug bahandi alang sa inyong kaugalingon dinhi sa kalibotan, tungod kay ang mga gagmayng mananap ug ang taya mokutkot niini, o mahimong sudlon sa kawatan ang inyong balay aron mangawat. 20 Hinuon, pagtigom kamo ug mga bahandi didto sa langit, kay didto walay gagmayng mananap ug taya nga mokutkot, ug walay kawatan nga makasulod aron sa pagpangawat.
-
11 Ang akong gipasabot mao kadtong mga tawo nga nagpaila nga mga igsoon usab nato sa Ginoo apan nakighilawas gawas sa kaminyoon, hakog, nagsimba sa mga dios-dios, mapasipalahon, palahubog, ug mangingilad. Dili kamo angay makig-uban kanila bisan sa pagpangaon.
-
16 Kaniya lang ang kinabuhi nga walay kamatayon. Didto siya nagpuyo sa masulaw nga kasanag nga dili maduolan. Wala gayoy tawo nga nakakita kaniya ug wala gayoy makakita. Dayegon ta ang Dios nga makagagahom sa walay kataposan. Amen!
17 Bahin sa mga adunahan dinhi sa kalibotan, ingna sila nga dili sila magpasigarbo o magsalig sa ilang bahandi nga daling mahanaw. Kinahanglan nga ibutang nila ang ilang pagsalig ngadto sa Dios nga maoy naghatag kanato sa tanan aron magmalipayon kita. 18 Tudloi sila sa paghimo ug maayo aron maadunahan sila sa maayo nga mga buhat. Tudloi usab sila nga magmatinabangon ug andam sa pagpaambit sa ilang mga kabtangan. 19 Kon mao kini ang ilang buhaton, nagtigom sila ug bahandi didto sa langit nga dili gayod mawala, ug madawat nila ang tinuod gayod nga kinabuhi.
-
1 Kamong mga tigdumala sa mga tumutuo, aduna akoy isulti kaninyo. Isip usa usab ka tigdumala sa mga tumutuo, nga nakakita gayod sa mga pag-antos ni Cristo ug makaambit usab unya sa iyang gahom ug dungog kon moabot na siya, nagpakiluoy ako kaninyo nga 2 atimanon ninyo ug maayo ang mga katawhan sa Dios nga gisalig kaninyo. Sama sila sa mga karnero ug kamo mao ang mga magbalantay. Kinahanglan nga sa kaugalingon ninyong kabubut-on ang pag-atiman kanila kay mao kini ang kabubut-on sa Dios, dili kay napugos lang kamo o aduna kamoy gipaabot nga suhol, kondili gusto gayod ninyo nga makatabang kanila. 3 Dili kamo maghari-hari sa mga tumutuo nga gisalig kaninyo, kondili mahimo hinuon kamong ilang panig-ingnan.
-
5 Tinuod, ang bino moluib kaniya;
aroganti siya ug dili makapahulay.
Tungod kay hakog siya sama sa lubnganan,
ug sama sa kamatayon dili gayod matagbaw,
iyang gitipon diha niya ang kanasoran
ug gibihag ang tanang katawhan.
6 “Dili ba tamayon man siya sa tanan
inubanan sa pagbugal-bugal ug panghimaraot.
Nag-ingon, ‘Alaot sila nga nagtigom sa kinawat
nga mga butang ug nagpadato pinaagi sa pangilkil.
Hangtod kanus-a man sila magpadayon.’
-
5 Nasayod usab kamo nga wala kami mogamit sa mga binulak-bulakan nga mga pulong aron makombinse kamo, ug wala kami magtudlo aron panguwartahan kamo. Ang Dios mismo mao ang among saksi.
-
2 Kinahanglan nga ang tigdumala sa mga tumutuo, lalaki nga ang kinabuhi walay ikasaway, usa lang ang iyang asawa, makapugong sa iyang kaugalingon, maayo motimbang-timbang, tinahod, maabi-abihon sa mga dumuduong, ug mahibalong motudlo. 3 Kinahanglan dili siya palahubog, dili mapasipalahon, ug dili palaaway, kondili maluloy-on. Kinahanglan dili siya hakog ug kuwarta.
-
10 Ayaw kamo pagsalig sa pagpanghuthot.
Ayaw paabota nga adunay makuha
kang kaayohan pinaagi sa pagpangawat.
Bisan pag modaghan ang inyong bahandi,
ayaw pagsalig niini.
-
13 “Gikan sa labing ubos hangtod sa labing dungganon,
nanikas sila aron makakuwarta.
Bisan mga propeta ug mga pari nagpangilad usab.
-
20 Miingon usab siya, “Ang naggawas sa tawo mao ang makapahugaw kaniya. 21 Kay gikan sa kasing-kasing sa tawo ang daotan nga mga panghuna-huna nga mao ang nagtukmod kaniya sa pagpakighilawas gawas sa kaminyoon, pagpangawat, pagpatay, 22 pagpanapaw, pagkahakog, paghimo sa tanang matang sa kadaotan, pagpanglimbong, pagbinastos, pagkasina, pagsulti ug daotan batok sa isigka-tawo, pagpasigarbo, ug pagbinuang. 23 Kining tanang mga daotang binuhatan gikan sa sulod sa kasing-kasing sa tawo, ug mao kini ang nakapahugaw kaniya.”
-
28 Madismaya ang tawo nga nagsalig sa iyang bahandi,
apan ang matarong mouswag sama sa labong nga tanom.
-
25 Bisan daghan kag gihandom apan tapolan ka,
maghatod kini kanimo sa kalaglagan.
26 Ang tawong tapolan kanunayng maghandom
nga adunay mohatag,
apan ang tawong matarong dili managana mohatag.
-
10 Kay ang ilang mga pangulo nga magbalantay unta
niining nasora murag mga buta ug walay kahibalo.
Sama sila sa mga iro nga amang; dili sila makapaghot.
Buot lang nilang moluko, matulog, ug magdamgo.
11 Sama sila sa mga hakog nga iro nga walay pagkatagbaw.
Mga magbalantay sila sa Israel nga walay panabot.
Ang matag-usa kanila nagpatuyang sa iyang gustong buhaton
ug nagtinguha lang sa iyang kaugalingong kaayohan.
-
10 Busa ihatag ko sa ubang mga tawo ang ilang mga asawa ug mga uma.
Tungod kay silang tanan, gikan sa labing ubos
hangtod sa labing dungganon, nanglimbong aron makasapi.
Bisan mga propeta ug mga pari nanglimbong usab.
-
36 Unsa man ang makuha sa tawo kon maangkon niya ang tanan nga butang dinhi sa kalibotan, apan mawala ang iyang kinabuhi?
-
11 Ang bahandi nga nakuha sa daotang paagi
dali rang mahanaw,
apan ang bahandi nga gihagoan mosamot kadaghan.
12 Ang pangandoy sa tawo nga wala matuman makapaluya,
apan ang pangandoy nga natuman makapaabtik
ug makahatag ug kalipay sa kinabuhi.
-
21 Ang panulondon nga sa sinugdan imong gikuha sa dili pa hustong panahon
dili makahatag kanimo ug kaayohan sa kaulahian.
-
1 Mas maayo nga nindot kag reputasyon kaysa daghan kag bahandi.
Ang pagtahod sa mga tawo kanimo mas bililhon pa kaysa bulawan ug pilak.
-
25 “Alaot kamong mga magtutudlo sa Kasugoan ug mga Pariseo. Ang inyong pagtuo sa Dios pagpakaaron-ingnon lang! Kay gihinloan ninyo ang gawas sa tasa ug plato apan sulod sa inyong kasing-kasing labihan kamo kahugaw ug kahakog.
-
39 Busa misulti ang Ginoo kaniya, “Kamong mga Pariseo naglimpyo sa gawas lang nga bahin sa tasa ug plato, apan ang sulod ninyo puno sa kadalo ug kadaotan.
-
8 Bahin sa mga diyakono sa iglesia, kinahanglan tinahod sila, masaligan ang ilang gipanulti, dili magpalabig inom ug bino, dili hakog,
-
17 Ayaw kamo kaibog sa balay sa inyong isigka-tawo, o sa iyang asawa, mga ulipon, mga baka o asno, o sa bisan unsa nga anaa kaniya.”
-
35 Giyahi ako sa pagsunod sa imong mga sugo,
kay niini aduna akoy kalipay.
36 Hatagi akog dakong tinguha sa pagtuman sa imong mga pagtulon-an
kaysa pagtinguha nga maadunahan.
37 Ilikay ako sa pagtinguha sa mga butang nga walay pulos.
Lugwayi ang akong kinabuhi sumala sa imong saad.
-
8 Kon maadunahan ka pinaagi sa pagpatubo ug kuwarta,
ang imong bahandi mapaingon sa tawong matinabangon sa mga kabos.
-
4 Kon ang tinguha sa hari mao ang pagpatunhay sa hustisya,
ginalig-on niya ang iyang gingharian,
apan ang hari nga nawong ug sapi,
magpukan sa iyang gingharian.
-
31 Busa moduol ang akong mga katawhan kanimo ug tinuoray kunohay nga namati kanimo, apan ang tinuod wala nila tumana ang imo nga gisulti. Maayo lang sila mosulti nga gihigugma nila ako, apan sulod sa ilang kasing-kasing mao ang pagkahakog sa kuwarta.
-
1 Samtang nangdugok ang linibong mga tawo didto kang Jesus ug naghuot na sila, miingon si Jesus sa iyang mga tinun-an, “Pagbantay kamo, kay tingali ug matakdan kamo sa pamatasan sa mga Pariseo nga pulos lang pagpakaaron-ingnon. 2 Apan walay tinagoan nga dili mabutyag sa kaulahian. 3 Busa, bisan unsa ang inyong gisulti diha sa kangitngit, madunggan diha sa kahayag, ug ang inyong gihunghong sulod sa sirado nga kuwarto, mahibaloan sa tanan.
-
4 Usa sa mga tinun-an nga kauban ni Jesus didto mao si Judas Iscariote, nga mao ang magluib kaniya. Miingon si Judas, 5 “Ang bili nianang pahumot mga usa gayod ka tuig nga sweldo sa usa ka tawo. Nganong wala man kana ibaligya ug ang halin ipanghatag ngadto sa mga kabos?” 6 Gisulti niya kini, dili tungod kay naluoy siya sa mga kabos, kondili tungod kay kawatan siya. Siya mao ang nagkupot sa ilang kuwarta ug nagpangawkaw siya niini.
-
18 tungod kay nangitngitan ang ilang pangisip sa pagsabot sa espirituhanon nga mga butang. Nahimulag sila sa kinabuhi nga gihatag sa Dios tungod kay ignorante man sila, kay labihan man sila kagahig ulo. 19 Wala na silay ulaw. Busa malaw-ay ang ilang binuhatan, ug nagpatuyang sila sa pagbuhat sa daotan.
-
11 Wala ako mag-ingon niini aron sa pagpasabot nga aduna akoy gikinahanglan. Kay nakakat-on ako nga makontento bisan unsa ang akong kahimtang. 12 Makahibalo akong magkinabuhi diha sa kawad-on o diha sa kadagaya. Kining tanan natun-an ko aron bisan unsa ang akong kahimtang, busog man o gutom, madagayaon man ang akong panginabuhi o dili, kontento gihapon ako. 13 Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.
-
7 Ang tigdumala sa mga tumutuo mao ang gitugyanan sa buluhaton sa Dios, busa kinahanglan gayod nga walay ikasaway, dili garboso, dili daling masuko, dili palahubog, dili palaaway, ug dili hakog ug kuwarta.
Shows Read in context, Share and Copy.