59 Bible Verses About Graduation
Biblica® Open Ang Pulong sa Dios™ (OCCB)
-
11 Nasayod ako sa akong mga plano alang kaninyo nga plano alang sa inyong kaayohan ug dili sa kaalaotan, plano sa paghatag kaninyog paglaom ug maayong kaugmaon. 12 Unya mosangpit kamo ug mag-ampo kanako, ug unya pamation ko kamo. 13 Kon kinasing-kasing kamo nga modangop kanako, tabangan ko kamo.
-
5 Salig sa Ginoo sa tibuok mong kasing-kasing,
ug ayaw pagsalig sa imong kaugalingong kaalam.
6 Hinumdomi ang Ginoo sa tanan mong ginabuhat,
ug tultolan ka niya sa hustong dalan.
7 Ayaw paghuna-huna nga maalamon ka na gayod.
Tahora hinuon ang Ginoo ug ayaw paghimog daotan.
8 Kay makapabaskog kini
sa imong lawas.
9 Pasidunggi ang Ginoo pinaagi sa paghalad kaniya
sa unang bahin sa tanan mong abot.
10 Kon himuon mo kini,
manghinobra ang mga abot diha sa imong mga bodega
ug ang duga sa ubas sa imong mga pug-anan.
-
14 “Busa karon, simbaha ninyo ang Ginoo ug alagari nga matinud-anon. Isalikway na ninyo ang mga dios nga gisimba kaniadto sa inyong mga katigulangan didto sa tabok sa Suba sa Eufrates ug sa Ehipto, ug pag-alagad kamo sa Ginoo. 15 Apan kon dili ninyo ikalipay ang pag-alagad sa Ginoo, pagpili kamo karong adlawa kon kinsa ang inyong alagaron, ang mga dios nga gialagad sa inyong mga katigulangan sa tabok sa Suba sa Eufrates, o ang mga dios sa mga Amorihanon kansang yuta inyong gipuy-an karon. Apan ako ug ang akong pamilya moalagad sa Ginoo.”
-
9 Hinumdomi kining akong gipahimangno kanimo: ‘Lig-ona ang imong kaugalingon ug pagmaisogon. Ayaw kahadlok o kaluya, kay ako, ang Ginoo nga imong Dios, mag-uban kanimo bisan asa ka moadto.’ ”
-
12 Ayaw pasagdi nga tamayon ka tungod sa imong pagkabatan-on, hinuon paningkamoti nga mahimo kang panig-ingnan sa mga tumutuo: sa pagsulti, sa pamatasan, sa paghigugma, sa pagtuo, ug sa hinlo nga pagkinabuhi.
-
6 Ayaw kamo kabalaka sa bisan unsa, pangayoa hinuon sa Dios ang inyong mga gikinahanglan pinaagi sa pag-ampo nga adunay pagpasalamat. 7 Ug kon buhaton ninyo kini, hatagan kamo sa Dios ug kalinaw diha sa inyong kasing-kasing ug huna-huna tungod kay kamo anaa kang Cristo Jesus, ug ang kalinaw nga gikan kaniya dili gayod nato matugkad.
8 Gawas niana, mga igsoon, huna-hunaa ninyo kanunay ang mga butang nga maayo ug dinayeg: ang matuod, halangdon, matarong, putli, matahom, ug dalaygon. 9 Sunda ninyo ang tanan nga inyong natun-an sa akong pagpanudlo ug mga binuhatan. Ug ubanan gayod kamo sa Dios nga naghatag ug kalinaw.
-
2 Sa atong huna-huna husto na
gayod ang tanan natong ginahimo,
apan ang Ginoo ray makahukom
kon unsay atong tumong.
3 Itugyan sa Ginoo ang tanan mong buhaton
ug magmalampuson ka.
-
24 “ ‘Hinaut nga panalanginan kamo sa Ginoo.
25 Hinaut nga ipakita sa Ginoo ang iyang kaayo
ug kaluoy kaninyo.
26 Hinaut nga magpakamaayo kaninyo ang Ginoo
ug hatagan kamo niya ug maayo nga kahimtang.’
-
Ang awit alang sa maestro sa mga mag-aawit. Awit ni David.
1 Hinaut pa nga tubagon ka sa Ginoo kon anaa ka sa kalisod.
Hinaut pa nga panalipdan ka sa Dios ni Jacob.
2 Hinaut pa nga tabangan ka niya gikan sa balaang puloy-anan didto sa Zion.
3 Hinaut pa nga dawaton niya ang imong mga halad,
apil na ang imong halad nga sinunog.
4 Hinaut pa nga ihatag niya ang imong gitinguha,
ug magmalampuson ka sa imong mga plano.
5 Manghugyaw kami sa imong pagdaog
ug magsaulog nga gadayeg sa atong Dios.
Hinaut pa nga ihatag sa Ginoo
ang tanan mong pangayoon.
-
29 Gihatagan niyag kusog ang mga maluya
ug ang mga gikapoyan.
30 Bisan ang mga batan-on kapoyan,
mangaluya, ug mangatumba,
31 apan ang mga nagsalig sa Ginoo
makaangkon pag-usab ug kusog.
Mahisama sila sa naglupad nga agila;
kon managan sila dili sila kapoyon;
kon manglakaw sila dili sila maluya.
-
23 Bisan unsay inyong himuon, himoa ninyo sa kinasing-kasing, ingon nga kamo nag-alagad sa Ginoo ug dili sa tawo. 24 Nasayran usab ninyo nga adunay panulondon nga ihatag ang Ginoo kaninyo isip inyong ganti. Kay si Cristo nga atong Ginoo mao ang inyong gialagaran.
-
10 Gibuhat kita sa Dios; ug sa atong pagkahiusa kang Cristo Jesus gihatagan niya kita ug bag-o nga kinabuhi, aron mahimo nato ang maayo nga mga buhat. Sukad pa kaniadto mao kini ang giplano sa Dios nga atong buhaton.
-
13 “Kamo nga akong mga tinun-an sama sa asin dinhi sa kalibotan. Apan kon mawala ang lami sa asin, wala nay mahimo pa aron molami kini pag-usab. Dili na kini mapuslan, busa ilabay na lang ug tunob-tunoban sa mga tawo.
14 “Sama kamo sa suga nga naghatag ug kahayag sa mga tawo sa kalibotan. Ug kini dili gayod matago sama sa siyudad nga nahimutang sa ibabaw sa bungtod. 15 Walay tawo nga magdagkot ug suga ug unya takloban lang dayon ug gantangan. Ibutang hinuon niya kini sa tungtonganan aron mahayagan ang tanan sulod sa balay. 16 Busa mao usab kini ang inyong buhaton. Pasigaha ninyo ang inyong suga ngadto sa mga tawo, aron makita nila ang inyong maayong mga binuhatan ug dayegon nila ang inyong Amahan sa langit.
-
6 Nasiguro ko nga ang maayong buhat nga gisugdan sa Dios diha kaninyo padayonon gayod niya hangtod sa adlaw nga mobalik si Cristo Jesus.
-
20 Pamatia ang mga tambag ug pagtul-id sa imong pamatasan
aron magmaalamon ka sa umaabot.
21 Daghan kitag mga plano,
apan ang kabubut-on sa Ginoo maoy matuman.
-
28 Nasayod kita nga ang tanang panghitabo gibuhat sa Dios alang sa kaayohan sa mga naghigugma kaniya nga iyang mga pinili sumala sa iyang katuyoan.
-
9 Nag-ampo ako nga madugangan pa gayod ang inyong paghigugma sa usag usa inubanan sa hustong kaalam ug igong panabot, 10 aron makapili kamo kon unsa ang labing maayo ug aron mahimong hinlo ug walay ikasaway sa inyong kinabuhi hangtod sa pagbalik ni Cristo. 11 Hinaut nga pinaagi kang Jesu-Cristo mahimong matarong ang tanan ninyong buhaton aron madayeg ang Dios.
-
1 Busa sa atubangan sa Dios ug ni Cristo Jesus nga mobalik ug mohari, ug mohukom sa tanan, buhi man o patay, awhagon ka nako 2 nga iwali mo ang pulong sa Dios. Pagmakugihon sa pagsugilon niini ngadto sa mga tawo sa bisan unsa nga sitwasyon. Kumbinsiha ug badlonga ang mga tawo, ug lig-ona ang ilang pagtuo pinaagi sa pagtudlo nga adunay pagpailob.
-
6 Lig-ona ninyo ang inyong kaugalingon ug pagmaisogon. Ayaw kamo kahadlok kanila kay ang Ginoo nga inyong Dios nag-uban kaninyo; dili niya kamo biyaan o pasagdan.”
-
8 Kanunay ka nako nga gihuna-huna, Ginoo.
Ug tungod kay anaa ka uban kanako dili gayod ako matarog.
9 Busa malipayon ako kaayo.
Ug magkinabuhi ako nga luwas sa katalagman,
10 kay dili mo ako pasagdan nga moadto sa dapit sa mga patay.
Dili mo tugotan nga madugta
ang imong matinud-anon nga alagad.
11 Ginatudloan mo ako kon unsaon pag-angkon ang maayong kinabuhi.
Uban kanimo hingpit ang akong kalipay hangtod sa kahangtoran.
-
4 Pangitaa ang imong kalipay diha sa Ginoo
ug ihatag niya kanimo ang imong gipangandoy.
-
8 Ug ang Dios makahatag kaninyo labaw pa sa inyong gikinahanglan, aron dili kamo kulangon ug kanunay kamong makatabang sa uban.
-
13 Mga igsoon ko kang Cristo, wala ako maghuna-huna nga nakab-ot ko na ang hingpit nga pagkinabuhi. Apan ang akong gihimo karon mao ang paghikalimot sa mga nangagi, ug ang pagpaningkamot nga makab-ot ko ang akong gitinguha. 14 Nagpadayon gayod ako sa pagpaningkamot nga makab-ot ko ang akong gitinguha, aron madawat ko ang ganti. Kini nga ganti mao ang pagtawag sa Dios kanato pinaagi kang Cristo Jesus nga magpuyo kita didto sa langit.
-
6 Tungod kay giila na ninyo si Cristo Jesus ingon nga Ginoo, padayon kamo diha kaniya. 7 Panggamot kamo kaniya ug pagtubo. Pagmalig-on kamo diha sa pagtuo nga gitudlo kaninyo, ug pagpasalamat usab kamo kanunay sa Dios.
-
3 Hatagan mo, Ginoo,
ug hingpit nga kalinaw ang tawo kansang huna-huna nasentro diha kanimo,
kay nagsalig siya kanimo.
4 Salig kamo kanunay sa Ginoo kay ang Ginoo
mao ang atong walay kataposan nga Bato.
-
11 Giyahan ko kamo kanunay.
Hatagan ko kamog katagbawan
bisag lisod ang inyong kahimtang.
Himuon ko kamong himsog.
Mahisama kamo sa usa ka hardin nga abunda sa tubig,
o sama sa tuboran nga walay pagkahubas.
-
7 “Apan bulahan ang tawo nga nagsalig ug naglaom kanako.
8 Mahisama siya sa kahoy nga gitanom sa daplin
sa sapa kansang mga gamot nakaabot sa tubig.
Kini nga kahoy dili mahadlok ni mabalaka
kon moabot ang ting-init o taas nga hulaw.
Ang iyang mga dahon kanunayng lunhaw,
ug walay puas ang iyang pagpamunga.”
-
1 Busa mga igsoon, tungod sa kalooy sa Dios kanato, naghangyo ako kaninyo nga ihalad ninyo ang inyong kaugalingon alang sa Dios isip buhi, balaan, ug sumala sa iyang nahimut-an nga halad. Mao kini ang husto nga pagsimba sa Dios. 2 Ayaw kamo pagsunod sa mga gawi sa mga tawo niining kalibotana. Tugoti ninyo ang Dios nga mobag-o sa inyong huna-huna, aron masayran ninyo ang kabubut-on sa Dios, kon unsa ang maayo, hingpit, ug ang makapahimuot kaniya.
-
57 Apan salamat sa Dios tungod kay pinaagi sa atong Ginoong Jesu-Cristo gihatagan niya kita ug kadaogan nianang mga butanga.
58 Busa, mga hinigugma ko nga mga igsoon kang Cristo, pagpakalig-on kamo ug dili gayod matarog sa inyong pagtuo. Pagmakugihon kamo sa buluhaton nga gihatag kaninyo sa Ginoo, kay nasayod kamo nga aduna gayoy kapuslanan ang inyong mga paghago alang sa Ginoo.
-
13 Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.
-
9 Busa sa pagkasayod namo niini, kanunay kaming nag-ampo alang kaninyo. Naghangyo kami sa Dios nga ang iyang Espiritu mohatag kaninyo sa tanang kaalam ug pagsabot aron masayran ninyo sa hingpit kon unsa ang iyang kabubut-on alang kaninyo. 10 Pinaagi niini, makakinabuhi kamo nga maangayan sa Ginoo, nga makahatag ug kalipay kaniya. Ug mahimo usab ninyo kanunay ang maayo, ug madugangan pa gayod ang inyong kahibalo mahitungod sa Dios. 11 Kay lig-onon kamo sa Dios pinaagi sa iyang kahibulongang gahom, aron nga bisan unsa ang mahitabo makalahutay kamo nga adunay kalipay. 12 Ug makapasalamat kamo sa Amahan tungod kay gihimo niya kamo nga takos sa pagdawat sa panulondon nga alang sa iyang mga katawhan, ang panulondon nga anaa sa kahayag.
-
15 Buhata ang kutob sa imong mahimo aron malipay ang Dios kanimo, sama sa nangalagad nga walay angay ikaulaw sa iyang mga gibuhat. Itudlo sa husto nga pamaagi ang pulong sa Dios nga mao ang kamatuoran.
-
ב Beth
9 Unsay buhaton sa usa ka batan-on
aron mahimong putli ang iyang kinabuhi?
Ang iyang himuon mao ang pagsunod sa imong pulong.
10 Modangop ako kanimo sa tibuok kong kasing-kasing,
busa ayaw itugot nga talikdan ko ang imong mga sugo.
11 Tipigan ko ang imong mga pulong sulod sa akong kasing-kasing
aron dili ako makasala kanimo.
-
33 Busa unaha ninyo ang pagpasakop sa paghari sa Dios ug ang pagtuman sa iyang kabubut-on, ug ihatag gayod niya ang tanan ninyo nga mga gikinahanglan.
-
8 Pangulohan ka sa Ginoo ug mag-uban siya kanimo; dili niya ikaw biyaan o pasagdan. Busa ayaw kahadlok o pagpakawala sa paglaom.”
-
Unang Libro
1 Bulahan ang tawo nga wala nagkinabuhi
sumala sa tambag sa mga daotang tawo,
wala nagsunod sa ginabuhat sa mga makasasala,
ug wala nakig-uban sa mga bugal-bugalon.
2 Kondili, nalipay siya sa pagsunod
sa mga katudloanan nga gikan sa Ginoo,
ug nagpamalandong siya niini adlaw ug gabii.
3 Sama siya sa kahoy nga gitanom sa daplin sa sapa,
nga mamunga sa panahon sa tingbunga,
ug dili malaya ang mga dahon.
Ug ang tanan niyang buhaton magmalampuson.
-
10 Himoang hinlo ang akong kasing-kasing, O Dios,
ug hatagi ako pag-usab ug matinud-anong espiritu.
11 Ayaw ako aboga gikan sa imong presensya,
ug ayaw kuhaa ang imong balaang Espiritu gikan kanako.
-
31 Gisunod ko, Ginoo, ang imong mga katudloanan,
busa ayaw itugot nga maulawan ako.
32 Gitinguha ko gayod ang pagtuman sa imong mga sugo
tungod kay gidugangan mo ang akong panabot.
-
1 Anak, dawata ug tipigi sa imong kasing-kasing
ang akong mga gipanudlo ug mga sugo.
2 Paminawa kon unsay makahatag ug kaalam ug pagsabot.
3 Ug paningkamoti gayod nga makaangkon ka niini,
4 nga daw sama nga nangita kag pilak o tinagong bahandi.
5 Kon himuon mo kini, masayran mo kon unsa ang pagtahod sa Ginoo,
ug masabtan mo ang mahitungod sa Dios.
6 Kay ang Ginoo maoy naghatag ug kaalam.
Kaniya usab naggikan ang kahibalo ug pagsabot.
7-8 Gipanalipdan niya ang nagkinabuhing matarong, matinumanon,
ug dili salawayon. Giandaman usab niya sila ug kadaogan.
-
20 Kon makig-uban ka sa mga maalamon,
mahimo ka usab nga maalamon,
apan kon makig-uban ka sa mga buang-buang,
mag-antos ka.
-
17 Ayaw kasina sa mga makasasala;
tahora hinuon sa kanunay ang Ginoo.
18 Ug siguro gayod nga adunay maayo kang kaugmaon,
ug dili mapakyas ang imong mga tinguha.
19 Anak, pamati sa mga ginapanudlo ko kanimo.
Pagmaalamon ug sunda ang husto nga dalan.
-
8 Gitudloan na kita sa Ginoo kon unsa ang maayo.
Ug mao kini ang iyang gusto nga ipatuman kanato:
Himuon nato kon unsa ang matarong,
palabihon nato ang pagkamaluloy-on ngadto sa uban,
ug mapainubsanon kitang mosunod sa Dios.
-
37 tungod kay mahimo man sa Dios ang tanan.”
-
23 Hinaut nga ang Dios nga naghatag kanato sa kalinaw magputli sa inyong kinabuhi aron nga walay makita nga sala diha kaninyo, ug hinaut nga bantayan ug huptan niya kamo nga walay mantsa sa sala sa inyong tibuok nga pagkatawo nga mao ang inyong espiritu, kalag, ug lawas aron nga sa pag-abot ni Jesu-Cristo nga atong Ginoo walay ikasaway diha kaninyo. 24 Ang Dios nga nagtawag kanato kasaligan, busa nasayod kami nga buhaton niya kining among giingon.
-
12 Bulahan ang tawo nga mobarog taliwala sa mga pagsulay, kay human niya madaog ang mga pagsulay, makadawat siya sa kinabuhi nga walay kataposan ingon nga ganti nga gisaad sa Dios alang sa mga nahigugma kaniya.
-
11 Salig kamo sa Ginoo ug sa iyang kusog.
Dangop kamo kanunay kaniya.
-
7 Ikaw ang naghatag kanako ug kusog
ug nagpanalipod kanako.
Nagsalig ako kanimo ug gitabangan mo ako.
Busa nalipay gayod ako ug nag-awit
ug pagpasalamat kanimo.
-
14 Likayi ninyo ang daotan ug buhata ang maayo.
Tinguhaa gayod ninyo ang pagkinabuhi nga malinawon uban sa inyong isigka-tawo.
-
1 Si bisan kinsa nga mangayo
sa pagpanalipod sa Labing Halangdong Dios
nga Makagagahom, panalipdan niya.
2 Makaingon siya sa Ginoo,
“Ikaw ang akong tigpanalipod ug lig-ong tago-anan.
Ikaw ang akong Dios nga ginasaligan.”
-
10 Kon gusto ka magmaalamon, tahora ang Ginoo.
Kon ilhon mo ang Balaan nga Dios,
makaangkon kag maayong panabot.
-
10 Ayaw kahadlok kay ako imong kauban.
Ayaw kabalaka kay ako ang imong Dios.
Lig-onon ug tabangan ka nako.
Panalipdan ka nako pinaagi sa akong gahom
nga mao ang makaluwas kanimo.
-
19 kay maghimo akog bag-ong butang.
Nahitabo na gani kini. Wala ba ninyo nakita?
Maghimo akog dalan ug mga tuboran diha sa disyerto.
-
30 Busa higugmaa ang Ginoo nga imong Dios sa tibuok mong kasing-kasing, sa tibuok mong kalag, sa tibuok mong huna-huna ug sa tibuok mong kusog.’
-
27 “Ayaw kamo kaguol ug ayaw kamo kahadlok, tungod kay ang kalinaw ibilin ko kaninyo. Ang akong kalinaw mao ang ihatag ko kaninyo. Dili kini sama sa kalinaw nga gihatag sa kalibotan.
-
38-39 Kay nasiguro ko gayod nga walay makapahimulag kanato gikan sa gugma sa Dios nga gipakita niya pinaagi kang Cristo Jesus nga atong Ginoo. Bisan pa ang kinabuhi dinhi o ang kamatayon, ang mga anghel o mga demonyo, ang mga panghitabo karon o ang mahitabo sa umaabot, ang mga adunay gahom, ang mga anaa sa ibabaw o sa ilalom sa kalibotan, o bisag unsa pa nga mga binuhat sa Dios dili makapahimulag kanato gikan sa iyang gugma.
-
17 Si bisan kinsa nga anaa kang Cristo bag-o na. Wala na ang iyang daan nga pagkatawo, kay bag-o na siya.
-
5 Kon aduna kaninyoy kulang sa kaalam, mangayo siya sa Dios, ug ang Dios mohatag niini kaniya nga walay pagpugong-pugong ug pagpamuyboy.
-
10 Matag-usa kanato gihatagan sa Dios ug gasa. Gamiton nato kini alang sa kaayohan sa matag-usa isip maayo nga sinaligan niining nagkalain-lain nga mga gasa. 11 Ang gihatagan sa gasa sa pagwali kinahanglan magwali sa pulong sa Dios. Ug ang gihatagan sa gasa sa pagtabang sa uban, kinahanglan motabang sumala sa iyang makaya nga gihatag sa Dios, aron madayeg ang Dios pinaagi kang Jesu-Cristo sa tanan ninyo nga binuhatan. Gamhanan siya ug dalaygon hangtod sa kahangtoran. Amen.
12 Mga hinigugma, ayaw kamo katingala sa masakit nga pagsulay nga moabot kaninyo. Ayaw ninyo isipa nga kahibulongan ang nahitabo kaninyo.
-
7 Mga hinigugma, maghigugmaay kita kay ang gugma naggikan sa Dios. Ang nahigugma, anak sa Dios ug nakaila sa Dios. 8 Ang wala mahigugma, wala makaila sa Dios, kay ang Dios gugma man.
Shows Read in context, Share and Copy.