Search Help

Search the whole Bible in your chosen Translation.

1. Find Verses Using Words

Examples:

Notes:

2. Find Verses Using Advanced Matching

Finds baptism, baptize, baptized, baptizing

Finds love, loved, loving

3. Find a passage

Opens John chapter 3.

Opens John 3, verses 16–17. A book name on its own, such as "John", searches for that word.

Mga Salmo 4

Biblica® Open Ang Pulong sa Dios™ (OCCB)

Ang awit alang sa maestro sa mga mag-aawit. Gamita ang mga instrumento nga adunay mga kuwerdas. Awit ni David.

1 O Dios nga akong manlalaban,

tubaga ako kon mosangpit ako kanimo.

Dili ba nga imo man akong gitabangan sa akong mga kalisdanan?

Busa karon, dungga

ang akong mga pag-ampo ug kaloy-i ako.

2 Kamong mga tawo nga gasaway kanako,

kanus-a pa kamo mohunong sa pagpakaulaw kanako?

Kanus-a pa kamo mohunong sa paghigugma sa mga butang

nga walay pulos ug sa pagsunod sa mga bakak?a

3 Hinumdomi ninyo nga gipili sa Ginoo

ang mga diosnon nga mahimong iya.

Mao nga dunggon ako niya kon motawag ako kaniya.

4 Kon masuko kamo, ayaw kamo pagpakasala.

Paghilom ug pamalandong kamo samtang naghigda kamo

diha sa inyong mga higdaanan.

5 Salig kamo sa Ginoo ug paghalad kaniya

sa husto nga mga halad.b

6 Daghan ang nag-ingon,

“Ginoo, hinaut pa unta nga modagaya ang mga panalangin sa among mga kinabuhi.

Ipakita kanamo ang imong kaayo!”

7 Apan ang kalipay nga imong gihatag kanako,

mas labaw pa kaysa kalipay sa mga tawo

nga abundansya sa kalan-on ug ilimnon.

8 Busa matulog ako nga malinawon,

tungod kay imo akong bantayan, Ginoo.

Translator’s notes

  1. 4:2 (a): sa paghigugma…mga bakak: tingali ang buot ipasabot, pagsimba sa mga dios-dios.
  2. 4:5 (b): paghalad…halad: o mohalad kaniya nga walay ikasaway ang inyong kinabuhi.

Mga Salmo 4