Search Help

Search the whole Bible in your chosen Translation.

1. Find Verses Using Words

Examples:

Notes:

2. Find Verses Using Advanced Matching

Finds baptism, baptize, baptized, baptizing

Finds love, loved, loving

3. Find a passage

Opens John chapter 3.

Opens John 3, verses 16–17. A book name on its own, such as "John", searches for that word.

Mga Salmo 108

Biblica® Open Ang Pulong sa Dios™ (OCCB)

Awit ni David.

1 O Dios, nagsalig gayod ako kanimo.

Awitan ka nako ug mga pagdayeg

sa tibuok kong kasing-kasing.

2 Momata ako samtang nagbanag-banag pa,

ug andamon ko ang akong mga instrumento

nga adunay mga kuwerdas sa pagdayeg kanimo.

3 Ginoo, dayegon ka nako taliwala sa kanasoran.

Awitan ka nako taliwala sa mga katawhan.

4 Kay ang imong gugma ug pagkamatinumanon

dili gayod masukod;

mas taas pa kini sa kalangitan.

5 Ipakita, O Dios,

ang imong pagkagamhanan diha sa kalangitan

ug sa tibuok kalibotan.

6 Luwasa kami pinaagi sa imong gahom.

Tubaga ang among mga pag-ampo aron maluwas kami

nga imong mga hinigugma.

7 O Dios, miingon ka didto sa imong balaang puloy-anan,

“Modaog ako.

Bahin-bahinon ko ang Sekem

ug ang Walog sa Sucot,

ug ipanghatag sa akong katawhan.

8 Akoa ang Gilead ingon man ang Manases.

Ang Efraim mao ang akong tigpanalipoda

ug ang Juda mao ang akong tigdumalab.

9 Ang Moab akong sulugoonc

ug ang Edom akong gipanag-iyahand.

Mosinggit ako sa kadaogan batok sa Filistia.”

10 Kinsa ang modala kanako sa Edom

ug sa siyudad niini nga nalibotan sa mga paril?

11 Dili ba ikaw, O Dios, nga nagsalikway kanamo

ug wala na mouban sa among mga sundalo?

12 Tabangi kami batok sa among mga kaaway,

kay walay pulos ang tabang sa tawo.

13 Modaog kami pinaagi sa imong tabang, O Dios,

kay laglagon mo ang among mga kaaway.

Translator’s notes

  1. 108:8 (a): tigpanalipod: sa literal, helmet.
  2. 108:8 (b): tigdumala: sa literal, baston sa hari.
  3. 108:9 (c): sulugoon: sa literal, hugasanan.
  4. 108:9 (d): akong gipanag-iyahan: sa literal, labayanan ko sa akong sandalyas.

Mga Salmo 108