Search Help

Search the whole Bible in your chosen Translation.

1. Find Verses Using Words

Examples:

Notes:

2. Find Verses Using Advanced Matching

Finds baptism, baptize, baptized, baptizing

Finds love, loved, loving

3. Find a passage

Opens John chapter 3.

Opens John 3, verses 16–17. A book name on its own, such as "John", searches for that word.

Mga Salmo 28

Biblica® Open Ang Pulong sa Dios™ (OCCB)

Awit ni David.

1 Ginoo, nga akong salipdanan nga bato,

nagtawag ako kanimo.

Pamatia ang akong pag-ampo!

Kay kon dili ka mamati,

mahisama ako sa mga nangamatay na.

2 Pamatia ang akong pagpakiluoy sa pagpangayo

ug tabang kanimo,

samtang nag-atubang ako

sa imong balaan nga Templo

nga gabayaw sa akong mga kamot.

3 Ayaw ako siloti uban sa mga daotan.

Nagpakaaron-ingnon sila nga mga higala sila,

apan diay nagplano sila ug daotan.

4 Balosi sila sumala sa ilang mga binuhatan.

Siloti sila sa ilang daotang gipanghimo.

5 Kay gipakawalay-bili nila ang imong gipanghimo,

busa laglagon mo sila sa dayon.

6 Dalaygon ka, Ginoo,

kay gidungog mo ang akong pagpakiluoy kanimo.

7 Ikaw ang naghatag kanako ug kusog

ug nagpanalipod kanako.a

Nagsalig ako kanimo ug gitabangan mo ako.

Busa nalipay gayod ako ug nag-awit

ug pagpasalamat kanimo.

8 Ikaw, Ginoo, ang naghatag ug kusog

sa imong katawhan.

Gipanalipdan mo ug giluwas ang imong pinilib.

9 Luwasa ug panalangini

ang katawhan nga imong gipanag-iyahan.

Bantayi sila

sama sa ginabuhat sa usa ka magbalantay

ngadto sa iyang mga karnero;

atimana sila

sa walay kataposan.

Translator’s notes

  1. 28:7 (a): nagpanalipod kanako: sa literal, akong taming.
  2. 28:8 (b): pinili nga hari o katawhan.

Mga Salmo 28