Search Help

Search the whole Bible in your chosen Translation.

1. Find Verses Using Words

Examples:

Notes:

2. Find Verses Using Advanced Matching

Finds baptism, baptize, baptized, baptizing

Finds love, loved, loving

3. Find a passage

Opens John chapter 3.

Opens John 3, verses 16–17. A book name on its own, such as "John", searches for that word.

യെശയ്യാവ് 12

Biblica® Open Malayalam Contemporary Version™ (OMCV)

സ്തോത്രഗീതങ്ങൾ

1 ആ ദിവസത്തിൽ നിങ്ങൾ ഇപ്രകാരം പറയും:

“യഹോവേ, ഞാൻ അങ്ങേക്കു സ്തോത്രംചെയ്യുന്നു.

അങ്ങ് എന്നോടു കോപിച്ചിരുന്നെങ്കിലും,

അങ്ങയുടെ കോപം നീങ്ങിപ്പോകുകയും

എന്നെ ആശ്വസിപ്പിക്കുകയും ചെയ്തിരിക്കുന്നു.

2 ഇതാ, ദൈവം എന്റെ രക്ഷയാകുന്നു;

ഞാൻ വിശ്വസിക്കും, ഭയപ്പെടുകയില്ല.

യഹോവ, യഹോവതന്നെ എന്റെ ബലവും എന്റെ സംഗീതവുംa ആകുന്നു;

അവിടന്ന് എന്റെ രക്ഷയായും തീർന്നിരിക്കുന്നു.”

3 അതിനാൽ നിങ്ങൾ രക്ഷയുടെ ഉറവുകളിൽനിന്ന്

ആനന്ദത്തോടെ വെള്ളം കോരും.

4 അന്നാളിൽ നിങ്ങൾ പറയും:

“യഹോവയ്ക്കു സ്തോത്രംചെയ്യുക; അവിടത്തെ നാമം വിളിച്ചപേക്ഷിക്കുക;

അവിടത്തെ പ്രവൃത്തി ജനതകൾക്കിടയിൽ വിളംബരംചെയ്യുക,

അവിടത്തെ നാമം ഉന്നതമെന്നു ഘോഷിക്കുക.

5 യഹോവയ്ക്കു പാടുക, അവിടന്ന് മഹത്തരമായ കാര്യങ്ങൾ ചെയ്തിരിക്കുന്നു;

ഇതു ഭൂമി മുഴുവൻ പ്രസിദ്ധമായിത്തീരട്ടെ.

6 സീയോൻ നിവാസികളേ, ഇസ്രായേലിന്റെ പരിശുദ്ധൻ,

നിങ്ങളുടെ മധ്യേ ഉന്നതനായിരിക്കുകയാൽ ഉച്ചത്തിൽ ആർക്കുകയും ആനന്ദഗീതം ആലപിക്കുകയുംചെയ്യുക.”

Translator’s notes

  1. 12:2 (a): അഥവാ, പ്രതിരോധം

യെശയ്യാവ് 12