46 Bible Verses About Honesty
Biblica® Open Ang Pulong sa Dios™ (OCCB)
-
17 Ang kasaligan nga saksi nagsugilon sa tinuod,
apan dili masaligan ang bakakon.
18 Ang mga pulong
nga wala huna-hunaa sa dili pa ibungat
nahisama sa espada nga makapasakit sa pagbati,
apan ang mga pulong nga gibalansi
kon maayo ba o dili makapahupay.
19 Ang kamatuoran maoy molungtad,
apan ang bakak sa kalit lang mahanaw.
20 Panglimbong ang sulod sa kasing-kasing
sa tawong nagplanog daotan,
apan kalipay ang bation sa tawong nagplanog kaayohan.
21 Walay daotang mahitabo sa mga matarong,
apan daghang daotang mahitabo ngadto sa mga daotan.
22 Ngil-aran ang Ginoo sa mga bakakon,
apan kalipay niya ang mga matinud-anon.
-
8 Gawas niana, mga igsoon, huna-hunaa ninyo kanunay ang mga butang nga maayo ug dinayeg: ang matuod, halangdon, matarong, putli, matahom, ug dalaygon. 9 Sunda ninyo ang tanan nga inyong natun-an sa akong pagpanudlo ug mga binuhatan. Ug ubanan gayod kamo sa Dios nga naghatag ug kalinaw.
-
10 Kon mohukom ang hari nga giniyahan sa Dios,
husto kanunay ang iyang paghukom.
11 Dili ikahimuot sa Ginoo nga manglimbong kita
sa atong pagnegosyo.
12 Ngil-aran ang mga hari sa paghimog daotan,
kay ang ilang pagdumala makapadayon lamang
kon matarong ang ilang binuhatan.
13 Malipay ang mga hari sa mga tawong dili mamakak;
palangga nila kadtong nagsulti sa tinuod.
-
19 Siya mao gayod ang gipili sa mga tumutuo sa nagkalain-laing mga lugar nga mouban kanamo sa among paghatod niining hinabang alang sa mga nanginahanglan. Gibuhat namo kini aron madayeg ang Ginoo ug aron ikapakita sa mga tawo nga gusto gayod namo nga motabang. 20 Buot namong malikayan nga madudahan kami mahitungod sa among pagdumala niining dako nga hinabang. 21 Kay ang among tumong mao ang pagbuhat sa maayo, dili lang sa atubangan sa Dios kondili sa katawhan usab.
-
9 Ayaw kamo pagbakak sa usag usa, tungod kay gisalikway na nato ang atong daan ug daotan nga kinaiya. 10 Ug karon aduna na kitay bag-o nga kinaiya. Ug kini padayon nga ginabag-o sa Dios nga magbubuhat niini, aron mahisama kita kaniya, ug aron mailhan gayod nato siya. 11 Sa ingon niini walay kalainan, Judio man o dili Judio, tinuli man o dili tinuli, mga luog o bisan pa ang labing ubos kanila, mga ulipon o dili ulipon, kay si Cristo mao ang tanan ug anaa siya kanatong tanan.
-
16 Ayaw kamo pagsaksi ug bakak batok sa inyong isigka-tawo.
-
22 Busa biyai na ninyo ang inyong daan nga kinaiya kay kini iya sa daan ninyo nga kinabuhi. Kining daan nga kinaiya mao ang galaglag kaninyo pinaagi sa daotan nga mga tinguha nga naglimbong kaninyo. 23 Bag-oha ninyo ang inyong kasing-kasing ug huna-huna. 24 Ipakita ninyo nga gibag-o na kamo sa Dios ug gihatagan sa kinabuhi nga sama kaniya, ang tinuod nga kinabuhi nga matarong ug balaan.
25 Busa ayaw na kamo pamakak. Ang tagsa-tagsa mosulti sa matuod ngadto sa iyang igsoon kang Cristo, kay kitang tanan mga sakop na sa usa ka lawas.
-
10 Kay nag-ingon ang Kasulatan,
“Si bisan kinsa nga nagtinguha sa malipayon ug maayo nga kinabuhi
kinahanglan nga magpugong sa pagsulti ug daotan ug sa pagpamakak.
11 Kinahanglan biyaan niya ang daotan,
ug magbuhat siya ug maayo.
Paningkamotan niya nga mahimong malinawon kanunay
ang iyang pagpakig-uban sa iyang isigka-tawo.
12 Kay bantayan sa Ginoo ang mga matarong
ug tubagon niya ang ilang mga pag-ampo,
apan kasilagan niya ang mga naghimo ug daotan.”
-
44 Ang Yawa mao ang inyong amahan, ug kon unsa ang iyang gusto mao usab ang inyong gustong buhaton. Mamumuno siya sukad pa sa sinugdan. Wala siyay pagpakabana sa kamatuoran tungod kay wala gayoy kamatuoran diha kaniya. Kon mamakak siya, nagsunod lang siya sa iyang kinaiya, kay bakakon man siya ug siya mao ang sinugdanan sa tanang bakak.
-
17 Kon adunay magbuhat ug daotan kaninyo ayaw kamo pagbalos ug daotan. Hinuon huna-hunaa ninyo kon sa unsa nga pamaagi kamo makahimog maayo atubangan sa mga tawo.
-
35 “ ‘Ayaw kamo panglimbong sa inyong pagtimbang, pagtakos, o pagsukod. 36-37 Gamita ninyo ang husto nga timbangan, taksanan, o sukdanan.
“ ‘Ako mao ang Ginoo nga inyong Dios nga nagpagawas kaninyo gikan sa Ehipto. Tumana ninyo ang tanan kong mga patakaran ug mga sugo.’ ”
-
13-14 “Ayaw kamo panglimbong sa inyong pagtimbang o pagsukod. 15 Gamita ninyo ang hustong timbangan ug sukdanan, aron magkinabuhi kamo ug dugay sa yuta nga ginahatag kaninyo sa Ginoo nga inyong Dios. 16 Kay mangil-ad alang sa Ginoo nga inyong Dios ang tawo nga nanglimbong.
-
Awit ni David.
1 Ginoo, kinsa ang mahimong makasulod sa imong tolda?
Kinsa ang mahimong makapuyo didto sa imong balaang bungtod?
2 Ang tubag sa Ginoo, “Ang tawo nga nagkinabuhi nga walay ikasaway
ug naghimo sa matarong.
Tinuod ug matinud-anon ang tanan niyang gisulti.
3 Dili siya magbutang-butang sa uban,
ug dili siya mohimo o mosulti
ug daotan sa iyang isigka-tawo.
-
1 Ngil-aran ang Ginoo sa manikas ug timbang,
apan malipay siya sa dili tikasan.
-
3 Ang tawong matarong nasayod sa iyang pagabuhaton
kay nagsubay siya sa ensaktong pagkinabuhi,
apan ang maluibon malaglag
kay ang sayop maoy iyang ginakinabuhi.
-
2 Gisalikway namo ang mga makauulaw nga binuhatan nga ginahimo sa sekreto. Dili kami malimbongon sa mga tawo ug wala namo tuisa ang pulong sa Dios. Nasayran gayod sa mga tawo nga dayag ang among pagsugilon sa kamatuoran, ug nakita usab kini sa Dios.
-
7 Ang matarong nga tawo dili salawayon.
Bulahan ang iyang mga anak nga nagsunod sa iyang pamatasan.
-
6 Mitubag si Jesus kaniya, “Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.
-
3 Mas ikalipay sa Ginoo ang husto
ug matarong nga binuhatan sa tawo
kaysa iyang mga halad.
-
18 Ang tawo nga nagsaksi ug bakak sa iyang isigka-tawo
makapasakit nga daw sa espada, bunal, ug pana.
-
14 Gisalikway na ang hustisya ug mipahilayo sa katarong.
Wala nay makitang kamatuoran bisan asa.
Ug ang kaligdong wala na tagda.
15 Oo, nawala na ang kamatuoran,
ug ang mga naglikay sa paghimog daotan gilutos.
Nakita kini sa Ginoo, ug wala niya ikalipay
ang pagkawalay hustisya.
-
16 Mao kini ang angay ninyong himuon: Isulti ninyo ang tinuod ngadto sa usag usa. Paghukom kamo nga matarong diha sa inyong mga hukmanan alang sa kaayohan sa tanan. 17 Ayaw kamo paglaraw ug daotan batok sa inyong isigka-tawo ug ayaw panumpa ug bakak, kay gikayugtan ko kining tanang mga buhat.”
-
33 “Nadungog ninyo ang giingon ngadto sa atong mga katigulangan nga kon ang tawo adunay gisaad ug gipanumpaan pa niya, kinahanglan iya gayod kining tumanon sa ngalan sa Ginoo. 34 Apan ako moingon kaninyo nga kon mosaad kamo, ayaw gayod panumpa. Ayaw pag-ingon nga ‘Saksi ko ang langit,’ kay mao kini ang trono sa Dios, 35 o kaha ‘Saksi ko ang yuta,’ kay mao kini ang tungtonganan sa iyang tiil. Ayaw usab kamo paggamit sa ngalan sa Jerusalem sa inyong pagpanumpa tungod kay mao kini ang siyudad sa bantogan nga Hari. 36 Ug ayaw usab kamo pag-ingon nga, ‘Bisan pag mamatay ako!’ Kay bisan gani ang usa lang ka lugas sa buhok dili mo mapaputi o mapaitom. 37 Pag-ingon lang ug ‘Oo’ kon oo ug ‘Dili’ kon dili; kay kon aduna pay pakapin niini gikan na kana sa daotan.
-
5 Mao kini ang among nadunggan nga gitudlo ni Jesu-Cristo ug mao usab kini ang among gisangyaw kaninyo, nga ang Dios kahayag ug wala gayoy kangitngit diha kaniya. 6 Busa kon moingon kita nga nakighiusa kita sa Dios, apan nagkinabuhi kita diha sa kangitngit, namakak kita, ug wala kita nagkinabuhi sumala sa kamatuoran. 7 Apan kon nagkinabuhi kita diha sa kahayag, ingon nga ang Dios kahayag, aduna kitay panaghiusa, ug ang dugo ni Jesus nga Anak sa Dios naghinlo kanato sa tanan natong mga kasal-anan.
8 Kon moingon kita nga wala kitay sala, gilimbongan lang nato ang atong kaugalingon, ug wala kanato ang kamatuoran. 9 Apan kon isulti nato sa Dios ang atong mga sala, kasaligan siya nga mopasaylo kanato sa atong mga sala ug sa paghinlo kanato sa tanan natong mga kalapasan tungod kay matarong siya.
-
4 “Ug ikaw, kon magkinabuhi ka nga maligdong ug matarong sa akong atubangan sama sa imong amahan nga si David, ug kon buhaton mo ang tanan kong gimando kanimo ug tumanon mo ang akong mga tulomanon ug mga lagda, 5 paharion ko sa Israel ang imong mga kaliwat hangtod sa kahangtoran, sumala sa akong gisaad sa imong amahan nga si David sa dihang giingnan ko siya, ‘Dili ka mawad-an ug kaliwat nga maghari sa Israel.’
-
15 Wala na pangitai ug lista sa mga gasto ang mga tawo nga nagdumala sa pagpaayo kay kasaligan man sila.
-
16 Adunay pito ka matang sa tawo nga gikapungtan
ug gikangil-aran sa Ginoo:
17 ang mga hambogiro,
ang mga bakakon,
ang mga gapatay ug tawo,
18 ang mga nagplanog daotan,
ang mga abtik mohimog daotan,
19 ang mga nagsaksi ug bakak,
ug ang mga nagpaaway sa iyang isigka-tawo.
20 Anak, sunda ang mga sugo
ug gipanudlo sa imong ginikanan.
-
16 Unya gisugo nila ang uban sa ilang mga tinun-an ug ang pipila ka tawo ni Herodes. Nangutana sila kang Jesus, “Magtutudlo, nasayod kami nga tinuod ang imong gipanulti. Gitudlo mo sa mga tawo ang kamatuoran bahin sa kabubut-on sa Dios. Ug wala ka magpauyon-uyon sa mga tawo bisan kinsa pa sila.
-
26 Ang dili bakak nga tubag nagpadayag
sa tinuoray nga panaghigalaay.
-
10 “Ang tawo nga kasaligan sa gagmay nga mga butang kasaligan usab sa dagkong mga butang. Ug ang tawo nga limbongan sa gagmay nga mga butang, limbongan usab sa dagkong mga butang. 11-12 Busa kon dili kamo kasaligan sa bahandi sa kalibotan nga dili inyo, kinsa man kaha ang motugyan kaninyo sa tinuod gayod nga bahandi nga giandam na unta alang kaninyo?
-
9 Ang tawong matarong layo sa kadaot,
apan ang tawong daotan mabulgar ang sala.
-
1 Mas maayo pa ang kabos nga nagkinabuhi ug matarong
kaysa buang-buang nga bakakon.
-
7 Kinahanglan nga mahimo ka nilang panig-ingnan sa pagbuhat ug maayo. Pagmatinud-anon ka ug pagseryoso sa imong pagtudlo. 8 Siguroha nga ang imong gipanulti husto ug dili masaway, aron ang mga tawo nga nakigbatok kanato maulawan, ug wala silay ikasulti nga daotan mahitungod kanato.
-
24 Ayaw gayod pagsultig bakak
ug walay hinungdan.
25 Isentro ang imong panghuna-huna
sa mga butang nga maayo.
26 Balansiha pag-ayo ang tanan mong pagahimuon
aron maayo ang mahimong resulta niini.
27 Pagtinarong;
likayi ang paghimo ug daotan.
-
3 Kinsay makatungas sa bungtod sa Ginoo?
Kinsay makasulod sa iyang balaang dapit?
4 Kadtong maayog binuhatan ug limpyog huna-huna,
wala mosimbag mga dios-dios,
ug dili bakakon.
5 Panalanginan siya ug isipon nga matarong sa Ginoo,
ang Dios nga iyang manluluwas.
-
13 Ang daotang mga pulong sa tawong daotan
maoy maghatod kaniya sa kagubot,
apan ang matarong maglikay sa gubot.
14 Adunay ganti ang maayo natong mga pulong
ug binuhatan.
-
17 Ganahag kaon ang tawo sa iyang linimbongan,
apan sa ulihi, mahisama kini sa balas diha sa iyang baba.
-
6 Ang bahandi nga nakuha sa pagpanglimbong
dali rang mawala,
ug maghatod kini sa tawo ngadto sa kamatayon.
-
10 Gamita ninyo ang hustong timbangan, taksanan, o sukdanan.
-
37 Busa miingon si Pilato kaniya, “Kon mao, hari ka diay!”
Gitubag siya ni Jesus, “Husto ang imong giingon nga ako hari. Ug ang hinungdan nga mianhi ako dinhi sa kalibotan ug nagpakatawo, aron nga pamatud-an ko sa mga tawo ang kamatuoran. Ug ang tanan nga gustong masayod sa kamatuoran naminaw kanako.”
38 Nangutana dayon si Pilato, “Unsa ba ang kamatuoran?”
Pagkahuman ug sulti niadto ni Pilato, migawas siya pag-usab didto sa mga Judio ug miingon kanila, “Wala akoy nakita nga sala niining tawhana.
-
4 Bisan kon ang tanang mga tawo bakakon, ang Dios kasaligan gihapon sa iyang mga pulong. Sama sa giingon sa Kasulatan:
“Mapamatud-an nga matarong ang imong gipanulti,
ug kanunayng mogawas nga husto ang imong paghukom.”
-
7 Nag-ampo kami sa Dios nga dili kamo magbuhat ug bisan unsa nga daotan. Wala kami mag-ampo niini aron makita sa mga tawo nga gisunod ninyo ang among mga gitudlo kaninyo, kay bisan dili ninyo kami ilhon nga mga apostoles ni Cristo, ang mahinungdanon mao nga magbuhat kamo ug maayo.
-
3 Sa among pagwali kaninyo dili namo tuyo nga tudloan kamo ug daotan, o mohimo kamig daotan o manlimbong;
-
7 Ang tigdumala sa mga tumutuo mao ang gitugyanan sa buluhaton sa Dios, busa kinahanglan gayod nga walay ikasaway, dili garboso, dili daling masuko, dili palahubog, dili palaaway, ug dili hakog ug kuwarta. 8 Kinahanglan maabi-abihon siya sa mga bisita, mobuhat ug maayo, makatimbang-timbang kon unsa ang maayo o dili, matarong, diosnon, ug makapugong sa iyang kaugalingon. 9 Kinahanglan nga kuptan niya pag-ayo ang matuod nga pagtulon-an aron makadasig siya sa uban pinaagi niini ug makabadlong siya sa mga nagsupak niini.
-
22 “Wala siya makasala, ug wala mamakak.”
-
17 Kon hamugaway ang atong kinabuhi apan wala kita motabang bisan nakita nato nga naglisod ang atong igsoon, makaingon ba kita nga ang gugma sa Dios ania kanato? 18 Mga anak, dili lang kita magsulti nga nahigugma kita, kondili ipakita nato sa atong mga binuhatan nga tinuod ang atong paghigugma.
Shows Read in context, Share and Copy.