Search Help

Search the whole Bible in your chosen Translation.

1. Find Verses Using Words

Examples:

Notes:

2. Find Verses Using Advanced Matching

Finds baptism, baptize, baptized, baptizing

Finds love, loved, loving

3. Find a passage

Opens John chapter 3.

Opens John 3, verses 16–17. A book name on its own, such as "John", searches for that word.

யோபு 18

இண்டியன் ரிவைஸ்டு வெர்ஸன் (IRV) - தமிழ் (IRVTAM)

பில்தாதின் வார்த்தைகள்

1 அப்பொழுது சூகியனான பில்தாத் மறுமொழியாக:

2 “நீங்கள் எதுவரைக்கும் பேச்சுகளை முடிக்காதிருப்பீர்கள்?

புத்திமான்களாயிருங்கள்; நாங்களும் பேசட்டும்.

3 நாங்கள் மிருகங்களைப்போல எண்ணப்பட்டு,

உங்கள் பார்வைக்குக் கீழானவர்களாக ஏன் இருக்கவேண்டும்?

4 கோபத்தினால் உன்னை நீயே காயப்படுத்துகிற உனக்காக பூமி அழிந்துபோகுமோ?

கன்மலை தன்னிடத்தைவிட்டுப் பெயருமோ?

5 துன்மார்க்கனுடைய விளக்கு அணைந்துபோகும்;

அவனுடைய அடுப்பின் நெருப்பும் அவிந்துபோகும்.

6 அவனுடைய கூடாரத்தில் வெளிச்சம் இருளாக்கப்படும்;

அவனுடைய விளக்கு அவனுடனே அணைந்துபோகும்.

7 அவன் பெலனாய் நடந்த நடைகள் குறைந்துபோகும் அவனுடைய ஆலோசனை அவனை விழவைக்கும்.

8 அவன் தன் கால்களினால் வலையில் பிடிபட்டு,

வலையின் சிக்கலிலே நடக்கிறான்.

9 கண்ணி அவனுடைய குதிகாலைப் பிடிக்கும்;

பறிகாரர் அவனை மேற்கொள்வார்கள்.a

10 அவனுக்காகச் சுருக்கு தரையிலும்,

அவனுக்காகக் கண்ணி வழியிலும் வைக்கப்பட்டிருக்கிறது.

11 சுற்றிலுமிருந்து உண்டாகும் பயங்கரங்கள் அவனை அதிர்ச்சியடையச்செய்து,

அவனுடைய கால்களைத் திசைதெரியாமல் அலையவைக்கும்.

12 அவன் பசியினால் பெலனற்றுப்போவான்;

அவன் பக்கத்தில் ஆபத்து ஆயத்தமாக நிற்கும்.

13 அது அவனுடைய அங்கத்தின் பலத்தை எரிக்கும்;

பயங்கரமான மரணமே அவனுடைய உறுப்புகளை எரிக்கும்.

14 அவனுடைய நம்பிக்கை அவனுடைய கூடாரத்திலிருந்து வேருடன் பிடுங்கப்படும்;

அது அவனைப் பயங்கரமான ராஜாவினிடத்தில் துரத்தும்.

15 அவனுக்கு ஒன்றுமில்லாமற் போனதினால்,

பயங்கரம் அவனுடைய கூடாரத்தில் குடியிருக்கும்;

கந்தகம் அவனுடைய குடியிருப்பின்மேல் தெளிக்கப்படும்.

16 கீழே இருக்கிற அவனுடைய வேர்கள் அழிந்துபோகும்;

மேலே இருக்கிற அவனுடைய கிளைகள் பட்டுப்போகும்.

17 அவனை நினைக்கும் நினைவு பூமியிலிருந்து அழியும்,

வீதிகளில் அவன் பெயரில்லாமற்போகும்.

18 அவன் வெளிச்சத்திலிருந்து இருளில் துரத்திவிடப்பட்டு,

பூலோகத்திலிருந்து தள்ளுண்டுபோவான்.

19 அவனுடைய மக்களுக்குள்ளே அவனுக்கு மகனும் இல்லை மகளும் இல்லை;

அவனுடைய வீட்டில் மீதியாயிருக்க வேண்டியவன் ஒருவனும் இல்லை.

20 அவனுடைய அழிவின் காலத்தில் மேற்கில் இருந்தவர்கள் அதிர்ச்சியடைந்ததுபோல,

கிழக்கில் உள்ள மக்களும் அதிர்ச்சியடைவார்கள்.b

21 அக்கிரமக்காரன் குடியிருந்த இடங்கள் இவைகள்தான்;

தேவனை அறியாமற்போனவனுடைய இடம் இதுவே என்பார்கள்” என்றான்.

Translator’s notes

  1. 18:9 (a): அவர்கள் அவர்களை ஜெயித்தார்கள்
  2. 18:20 (b): மேற்கிலிருந்த மக்கள்

யோபு 18