Job deklare li inosan
2130 anvan Christ
Bib Sen An (BSA)
1 Epi Job te reponn:
2 Mwen tande anpil bagay parèy a sila yo;
move konsolatè nou tout ye.
3 Èske pa gen limit sou pawòl kap pouse van an?
Oswa se kilès k ap toumante ou ki fè ou reponn?
4 Mwen osi ta kab pale tankou ou, si mwen te nan plas ou.
Mwen ta kab konpoze pawòl yo kont ou
e souke tèt mwen sou ou.
5 Mwen ta kab ranfòse ou ak bouch mwen,
e senpati a lèv mwen ta kab redwi doulè ou.
6 Mem si mwen pale sa pa redwi doulè m;
si mwen ralanti nan pale, se kisa ki kite mwen?
7 Men koulye a, Li fin fatige m nèt;
Ou, Bondye, te gate tout zanmi m yo.
8 Ou te fè m vin sèch nèt. Sa devni yon temwen kont mwen.
Epi jan mwen vin mèg, leve kont mwen.
Li fè temwayaj devan figi mwen.
9 Kòlè Li fin chire mwen e chase m jis atè,
Li te modi blese m ak dan L.
Advèsè mwen an chase mwen ak menas Li.
10 Yo te gade m, bouch yo louvri.
Yo te souflete m sou machwè m ak mepriz;
yo te oganize yo menm kont mwen.
11 Bondye te plase mwen nan men enkwayan yo,
e te jete mwen nan men a mechan yo.
12 Mwen te alèz, men Li te brize mwen,
Li te sezi mwen nan kou
e te souke mwen jiskaske m fè mòso;
anplis li te fè m objè tiraj.
13 Flèch Li yo antoure mwen. San pitye Li fann ren mwen ouvri nèt.
Li vide fyèl mwen atè.
14 Li kase antre brèch pa brèch;
Li kouri sou mwen kon yon jeyan.
15 Mwen te koud twal sak sou kò m
epi pouse kòn mwen antre nan pousyè.
16 Figi mwen vin wouj akoz kri mwen yo
e pòpyè zye m vin fonse nwa,
17 Malgre nanpwen vyolans nan men m,
e priyè mwen yo san tach.
18 O latè a, pa kouvri san kò mwen.
Pa bay plas pou kriye m yo pran repo.
19 Menm koulye a, gade byen,
temwen m se nan syèl la.
Avoka m ki pale pou mwen la, an anwo.
20 Se zanmi mwen yo k ap moke m.
Zye m kriye a Bondye.
21 O ke yon nonm ta kab plede avèk Bondye,
kon yon moun plede ak vwazen li!
22 Paske lè kèk ane fin pase, m ap prale
nan chemen ki pap retounen an.
17:1 “Lespri m fin kase.
Jou m yo etenn;
tonbo a pare pou mwen.
2 Anverite mokè yo avè m,
e zye m fikse sou pwovokasyon yo.
3 “Depoze la koulye a, yon sekirite.
Kanpe kon garanti mwen, ak Ou menm.
Se kilès ki kab antann avè m?
4 Paske Ou te anpeche kè yo konprann;
pou sa, ou p ap egzalte yo.
5 Sila ki enfòme kont zanmi li yo pou piyaj la,
menm zye pitit li yo va vin gate.
6 “Men Li te fè m vin tounen yon vye pwovèb pou pèp la.
Konsa, yo vin krache sou figi m.
7 Anplis, zye m vin pa wè klè akoz doulè m,
e tout nanm mwen tankou lonbraj.
8 Moun ladwati va byen twouble ak sa,
e linosan an va leve li menm kont enkwayan yo.
9 Malgre, moun dwat la va kenbe chemen li
e sila ki gen men pwòp yo va vin pi fò e pi fò.
10 Men nou tout, retounen;
malgre mwen pa twouve yon nonm saj pami nou.
11 Jou pa m yo fin pase, plan mwen yo vin chire nèt,
menm dezi a kè mwen yo.
12 Yo fè lannwit mwen vin sanble lajounen.
Yo di ‘limyè a toupre’ lè tout se fènwa.
13 Si mwen chache Sejou mò yo kon lakay mwen,
si mwen fè kabann mwen nan tenèb la;
14 Si mwen kriye a fòs tonbo a:
‘Se ou ki papa m’; epi a vè a:
“Ou se manman m ak sè m’;
15 Alò, koulye a, se kibò espwa mwen ye?
Epi se kilès k ap okipe espwa m?
16 Èske espwa m va desann avèk mwen
nan Sejou Lanmò yo?
Èske se ansanm n ap desann nan pousyè a?”