26 Bible Verses About Laughter

இண்டியன் ரிவைஸ்டு வெர்ஸன் (IRV) - தமிழ் (IRVTAM)

Bible Verses About Laughter
  1. 1 தேசங்கள் ஏன் கொந்தளிக்க வேண்டும்?

    மக்கள் வீணான காரியத்தை ஏன் சிந்திக்கவேண்டும்?

    2 யெகோவாவுக்கு விரோதமாகவும்,

    அவர் அபிஷேகம்செய்தவருக்கு விரோதமாகவும்,

    பூமியின் இராஜாக்கள் எழும்பி நின்று,

    அதிகாரிகள் ஒன்றாக ஆலோசனைசெய்து:

    3 அவர்களுடைய கட்டுகளை அறுத்து,

    அவர்களுடைய கயிறுகளை நம்மைவிட்டு எறிந்துபோடுவோம்; என்கிறார்கள்.

    4 பரலோகத்தில் அமர்ந்திருக்கிறவர் சிரிப்பார்;

    ஆண்டவர் அவர்களை இகழுவார்.

    5 அப்பொழுது அவர் தமது கோபத்திலே அவர்களுடன் பேசுவார்.

    தமது கடுங்கோபத்திலே அவர்களைக் கலங்கச்செய்வார்.

    6 நான் என்னுடைய பரிசுத்தமலையாகிய சீயோனில் என்னுடைய இராஜாவை அபிஷேகம்செய்து வைத்தேன் என்றார்.

    7 தீர்மானத்தின் விவரம் சொல்லுவேன்;

    யெகோவா என்னை நோக்கி, நீர் என்னுடைய மகன்,

    இன்று நான் உம்மை பிறக்கச்செய்தேன்;

    8 என்னைக் கேளும், அப்பொழுது தேசங்களை உமக்குச் சொத்தாகவும்,

    பூமியின் எல்லைகளை உமக்குச் சொந்தமாகவும் கொடுப்பேன்;

  2. 12 துன்மார்க்கன் நீதிமானுக்கு விரோதமாகத் தீங்கு நினைத்து,

    அவன்மேல் பல்லைக் கடிக்கிறான்.

    13 ஆண்டவர் அவனைப் பார்த்து நகைக்கிறார்;

    அவனுடைய நாள் வருகிறதென்று காண்கிறார்.

  3. 1 யெகோவா தாம் சொல்லியிருந்தபடி சாராளைக் கண்ணோக்கினார்; யெகோவா தாம் வாக்களித்தபடியே சாராளுக்குச் செய்தருளினார். 2 ஆபிரகாம் முதிர்வயதாக இருக்கும்போது, சாராள் கர்ப்பவதியாகி, தேவன் குறித்திருந்த காலத்தில் அவனுக்கு ஒரு மகனைப் பெற்றெடுத்தாள். 3 அப்பொழுது ஆபிரகாம் தனக்கு சாராள் பெற்ற மகனுக்கு ஈசாக்கு என்று பெயரிட்டான். 4 தன் மகனாகிய ஈசாக்கு பிறந்த எட்டாம் நாளில், ஆபிரகாம் தனக்குத் தேவன் கட்டளையிட்டிருந்தபடி அவனுக்கு விருத்தசேதனம் செய்தான். 5 தன் மகனாகிய ஈசாக்கு பிறந்தபோது ஆபிரகாம் 100 வயதாயிருந்தான். 6 அப்பொழுது சாராள்: “தேவன் என்னை மகிழச்செய்தார்; இதைக்கேட்கிற அனைவரும் என்னோடுகூட மகிழ்வார்கள்.” 7 “சாராள் குழந்தைகளுக்குப் பால்கொடுப்பாள் என்று ஆபிரகாமுக்கு யார் சொல்லுவான்? அவருடைய முதிர்வயதிலே அவருக்கு ஒரு மகனைப் பெற்றேனே” என்றாள்.

  4. 22 மனமகிழ்ச்சி நல்ல மருந்து;

    முறிந்த ஆவியோ எலும்புகளை உலரச்செய்யும்.

  5. 10 அப்பொழுது அவர்: “ஒரு கர்ப்பகாலத்திட்டத்தில் நிச்சயமாக உன்னிடத்திற்குத் திரும்ப வருவேன்; அப்பொழுது உன் மனைவியாகிய சாராளுக்கு ஒரு மகன் இருப்பான்” என்றார். சாராள் அவருக்குப் பின்புறமாகக் கூடாரவாசலில் இதைக் கேட்டுக்கொண்டிருந்தாள். 11 ஆபிரகாமும் சாராளும் வயது முதிர்ந்தவர்களாக இருந்தார்கள்; பெண்களுக்குரிய மாதவழிபாடு சாராளுக்கு நின்றுபோனது. 12 ஆகையால், சாராள் தன் உள்ளத்திலே சிரித்து: “நான் கிழவியும், என்னுடைய கணவன் முதிர்ந்த வயதுள்ளவருமாக இருக்கும்போது, எனக்கு இன்பம் உண்டாயிருக்குமோ” என்றாள். 13 அப்பொழுது யெகோவா ஆபிரகாமை நோக்கி: “சாராள், நான் கிழவியாக இருக்கும்போது குழந்தைபெற்றெடுப்பது சாத்தியமோ என்று சொல்வதென்ன? 14 யெகோவாவால் ஆகாத காரியம் உண்டோ? கர்ப்பகாலத்திட்டத்தில் உன்னிடத்திற்குத் திரும்ப வருவேன்; அப்பொழுது சாராளுக்கு ஒரு மகன் இருப்பான்” என்றார். 15 சாராள் பயந்து, நான் சிரிக்கவில்லை” என்று மறுத்தாள். அதற்கு அவர்: “இல்லை, நீ சிரித்தாய்” என்றார்.

  6. 2 அப்பொழுது நம்முடைய வாய் சிரிப்பினாலும்,

    நம்முடைய நாவு ஆனந்தசத்தத்தினாலும் நிறைந்திருந்தது;

    அப்பொழுது: யெகோவா இவர்களுக்குப் பெரிய காரியங்களைச் செய்தார்

    என்று தேசங்களுக்குள்ளே சொல்லிக்கொண்டார்கள்.

    3 யெகோவா நமக்குப் பெரிய காரியங்களைச் செய்தார்;

    இதற்காக நாம் மகிழ்ந்திருக்கிறோம்.

  7. 20 இதோ, தேவன் உத்தமனை வெறுக்கிறதுமில்லை,

    பொல்லாதவர்களுக்குக் கைகொடுக்கிறதுமில்லை.

    21 இனி அவர் உம்முடைய வாயைச் சிரிப்பினாலும்,

    உம்முடைய உதடுகளைக் கெம்பீரத்தினாலும் நிரப்புவார்.

  8. 1 ஒவ்வொன்றிற்கும் ஒவ்வொரு காலம் உண்டு; வானத்தின் கீழ் இருக்கிற ஒவ்வொரு காரியத்திற்கும் ஒவ்வொரு நேரம் உண்டு.

    2 பிறக்க ஒரு காலம் உண்டு, இறக்க ஒரு காலம் உண்டு;

    நட ஒரு காலம் உண்டு, நட்டதைப் பிடுங்க ஒரு காலம் உண்டு;

    3 கொல்ல ஒரு காலம் உண்டு, குணமாக்க ஒரு காலம் உண்டு;

    இடிக்க ஒரு காலம் உண்டு, கட்ட ஒரு காலம் உண்டு;

    4 அழ ஒரு காலம் உண்டு, சிரிக்க ஒரு காலம் உண்டு;

    புலம்ப ஒரு காலம் உண்டு, நடனமாட ஒரு காலம் உண்டு;

  9. 24 நான் கூப்பிட்டும், நீங்கள் கேட்கமாட்டோம் என்கிறீர்கள்;

    நான் என்னுடைய கையை நீட்டியும் கவனிக்கிறவன் ஒருவனும் இல்லை.

    25 என்னுடைய ஆலோசனையையெல்லாம் நீங்கள் தள்ளி,

    என்னுடைய கடிந்துகொள்ளுதலை வெறுத்தீர்கள்.

    26 ஆகையால், நானும் உங்களுடைய ஆபத்துக்காலத்தில் சிரித்து,

    நீங்கள் பயப்படும் காரியம் வரும்போது ஏளனம்செய்வேன்.

    27 நீங்கள் பயப்படும் காரியம் புயல்போல் வரும்போதும்,

    ஆபத்து சூறாவளிபோல் உங்களுக்கு நேரிடும்போதும்,

    நெருக்கமும் இடுக்கணும் உங்கள்மேல் வரும்போதும், ஏளனம்செய்வேன்.

    28 அப்பொழுது அவர்கள் என்னை நோக்கிக் கூப்பிடுவார்கள்;

    நான் மறுஉத்திரவு கொடுக்கமாட்டேன்;

    அவர்கள் அதிகாலையிலே என்னைத் தேடுவார்கள், என்னைக் காணமாட்டார்கள்.

  10. 21 இப்பொழுது பசியாக இருக்கிற நீங்கள் பாக்கியவான்கள்;

    திருப்தியடைவீர்கள்.

    இப்பொழுது அழுகிற நீங்கள் பாக்கியவான்கள்;

    இனி சிரிப்பீர்கள்.

  11. 13 சிரிப்பிலும் மனதிற்குத் துக்கமுண்டு;

    அந்த மகிழ்ச்சியின் முடிவு சஞ்சலம்.

  12. 13 மனமகிழ்ச்சி முகமலர்ச்சியைத் தரும்;

    மனதுக்கத்தினாலே ஆவி முறிந்துபோகும்.

    14 புத்திமானுடைய மனம் அறிவைத்தேடும்;

    மூடர்களின் வாயோ மதியீனத்தை மேயும்.

    15 சிறுமைப்பட்டவனுடைய நாட்களெல்லாம் தீங்குள்ளவைகள்;

    மனரம்மியமோ நிரந்தர விருந்து.

    16 சஞ்சலத்தோடு கூடிய அதிகப் பொருட்களைவிட,

    யெகோவாவைப் பற்றும் பயத்தோடு கூடிய கொஞ்சப்பொருளே உத்தமம்.

    17 பகையோடு இருக்கும் கொழுத்த எருதின் கறியைவிட,

    சிநேகத்தோடு இருக்கும் இலைக்கறியே நல்லது.

  13. 25 அவளுடைய உடை பலமும் அலங்காரமுமாக இருக்கிறது;

    வருங்காலத்தைப் பற்றியும் மகிழுகிறாள்.

  14. 7 இதோ, தங்களுடைய வார்த்தைகளைக் கக்குகிறார்கள்;

    அவர்கள் உதடுகளில் வாள்கள் இருக்கிறது,

    கேட்கிறவன் யார் என்கிறார்கள்.

    8 ஆனாலும் யெகோவாவே,

    நீர் அவர்களைப் பார்த்து சிரிப்பீர்;

    அந்நியமக்கள் அனைவரையும் இகழுவீர்.

  15. 6 மூடனின் சிரிப்பு பானையின்கீழ் எரிகிற முட்களின் படபடப்பைப்போல இருக்கும்;

    இதுவும் மாயையே.

  16. 25 திருப்தியுள்ளவர்களாக இருக்கிற உங்களுக்கு ஐயோ;

    நீங்கள் பசியாக இருப்பீர்கள்.

    இப்பொழுது சிரிக்கிற உங்களுக்கு ஐயோ;

    இனித் துக்கப்பட்டு அழுவீர்கள்.

  17. 2 சிரிப்பைக்குறித்து, அது பைத்தியம் என்றும், சந்தோஷத்தைக்குறித்து, அது என்ன செய்யும்? என்றும் சொன்னேன்.

  18. 7 ஆகவே, தேவனுக்குக் கீழ்ப்படிந்திருங்கள்; பிசாசுக்கு எதிர்த்து நில்லுங்கள், அப்பொழுது அவன் உங்களைவிட்டு ஓடிப்போவான். 8 தேவனிடத்தில் சேருங்கள், அப்பொழுது அவர் உங்களிடம் சேருவார். பாவிகளே, உங்களுடைய கைகளைச் சுத்திகரியுங்கள்; இருமனமுள்ளவர்களே, உங்களுடைய இருதயங்களைப் பரிசுத்தம் செய்யுங்கள். 9 நீங்கள் துயரப்பட்டுப் புலம்பி அழுங்கள்; உங்களுடைய சிரிப்பு புலம்பலாகவும், உங்களுடைய சந்தோஷம் துயரமாகவும் மாறட்டும். 10 கர்த்தருக்கு முன்பாகத் தாழ்மைப்படுங்கள், அப்பொழுது அவர் உங்களை உயர்த்துவார்.

  19. 3 சிரிப்பைவிட துக்கிப்பு நலம்; முகதுக்கத்தினாலே இருதயம் சீர்ப்படும்.

  20. 10 அவர்கள் ராஜாக்களைக் கொடுமை செய்வார்கள்; அதிபதிகள் அவர்களுக்குக் கேலிக்குரியவர்களாக இருப்பார்கள்; அவர்கள் மதில்களையெல்லாம் பார்த்து நகைத்து, மண்மேடுகளைக் குவித்து அவைகளைப் பிடிப்பார்கள்.

  21. 22 அழிவையும் பஞ்சத்தையும் பார்த்து சிரிப்பீர்கள்;

    காட்டுமிருகங்களுக்கும் பயப்படாமலிருப்பீர்கள்.

  22. 4 என் நண்பர்களால் நான் நிந்திக்கப்பட்டு,

    தேவனை நோக்கிக் கூப்பிடுவேன்; அவர் எனக்குத் திரும்ப பதில் அருளுவார்;

    உத்தமனாகிய நீதிமான் கேலிசெய்யப்படுகிறான்.

  23. 23 இயேசுவானவர் அந்தத் தலைவனுடைய வீட்டிற்கு வந்து, சங்கு ஊதுகிறவர்களையும், ஒப்பாரி வைக்கிற மக்களையும் கண்டு: 24 விலகுங்கள், இந்த சிறுபெண் இறக்கவில்லை, தூங்கிக்கொண்டிருக்கிறாள் என்றார். அதற்காக அவரைப் பார்த்து ஏளனம் செய்தார்கள்.

  24. 25 இப்படி அவர்கள் மனமகிழ்ச்சியாக இருக்கும்போது: நமக்கு முன்பாக வேடிக்கை காட்டுவதற்கு, சிம்சோனை அழைத்துக்கொண்டு வாருங்கள் என்றார்கள்; அப்பொழுது சிம்சோனைச் சிறைச்சாலையிலிருந்து அழைத்துக்கொண்டு வந்தார்கள், அவர்களுக்கு முன்பாக வேடிக்கைக் காட்டினான்; அவனைத் தூண்களுக்கு நடுவே நிறுத்தினார்கள்.

  25. 27 மத்தியானவேளையில் எலியா அவர்களை கேலிசெய்து: உரத்த சத்தமாகக் கூப்பிடுங்கள்; அவன் தெய்வமாமே, அவன் தியானத்தில் இருப்பான்; அல்லது வேலையாக இருப்பான்; அல்லது பயணம் போயிருப்பான்; அல்லது தூங்கினாலும் தூங்குவான்; அவனை எழுப்பவேண்டியதாக இருக்கும் என்றான்.

  26. 7 யெகோவாவே, என்னை இணங்கச் செய்தீர், நான் இணங்கினேன்; நீர் என்னிலும் பலத்தவராயிருந்து, என்னை மேற்கொண்டீர்; நாள்தோறும் நகைப்புக்கு இடமானேன்; எல்லோரும் என்னைப் பரிகாசம் செய்கிறார்கள்.