സുവിശേഷങ്ങൾ
ഭാഗം 1: സുവിശേഷങ്ങളുടെ ഉറവിടങ്ങൾ
ലൂക്കോസ് തന്റെ ഗവേഷണരീതി വിശദീകരിക്കുന്നു
തന്റെ സമർപ്പണവാക്യത്തിൽ ലൂക്കോസ് തന്റെ ഗവേഷണരീതി വിശദീകരിക്കുന്നു.
Biblica® Open Malayalam Contemporary Version™ (OMCV)
ലൂക്കോസ് 1:1–4
1:1-2 ശ്രേഷ്ഠനായ തെയോഫിലോസേ, നമ്മുടെ മധ്യേ നിറവേറ്റപ്പെട്ട വസ്തുതകൾ—പ്രാരംഭംമുതൽതന്നെ ദൃക്സാക്ഷികളും തിരുവചനത്തിന്റെ ശുശ്രൂഷകന്മാരും ആയിരുന്നവർ നമുക്കു കൈമാറിത്തന്നിട്ടുള്ളതുപോലെ—ക്രോഡീകരിക്കുന്നതിന് പലരും പരിശ്രമിച്ചിട്ടുണ്ട്. 3 ആരംഭംമുതലുള്ള എല്ലാ വസ്തുതകളും ഞാൻ സസൂക്ഷ്മം പരിശോധിച്ചിട്ടുള്ളതുകൊണ്ട്, ക്രമീകൃതമായ ഒരു വിവരണം താങ്കൾക്കുവേണ്ടി എഴുതുന്നത് നല്ലതെന്നു തീരുമാനിച്ചു. 4 അങ്ങനെ, പഠിച്ചിട്ടുള്ള കാര്യങ്ങളുടെ നിജസ്ഥിതി താങ്കൾക്ക് ബോധ്യപ്പെടുകയും ചെയ്യും.