Ang Pagrebelde ni Kora, ni Datan, ug ni Abiram (continued)
1489 sa wala pa si Cristo
Biblica® Open Ang Pulong sa Dios™ (OCCB)
1 Miingon ang Ginoo kang Moises ug kang Aaron, 2 “Ania pay usa ka tulomanon nga buot kong inyong tumanon: Ingna ang mga Israelinhon nga dad-an kamo ug usa ka pula nga bayeng baka nga walay depekto ug wala pa sukad magamit sa pagdaro. 3 Ihatag ninyo kini kang Eleazar nga pari, ug unya dad-on kini ngadto sa gawas sa kampo ug ihawon diha sa iyang atubangan. 4 Unya magkuha si Eleazar ug dugo pinaagi sa iyang tudlo ug iwisik niya kini sa makapito ngadto sa atubangan sa Tolda nga Tagboanan. 5 Ug samtang nagtan-aw si Eleazar, sunogon ang baka, ang panit, unod, dugo, ug ang tinai. 6 Unya magkuha si Eleazar ug kahoyng sedro, usa ka sanga sa tanom nga isopo, ug pula nga higot, ug iitsa kining tanan ngadto sa ginasunog nga baka. 7 Pagkahuman niana kinahanglan nga labhan ni Eleazar ang iyang bisti ug maligo siya. Human niini makasulod na si Eleazar sa kampo, apan isipon siya nga hugaw hangtod sa pagsalop sa adlaw. 8 Ang tawo nga nagsunog sa baka kinahanglan nga manglaba usab sa iyang bisti ug maligo ug isipon usab siya nga hugaw hangtod sa pagsalop sa adlaw.
9 “Ang tawo nga ginaisip nga hinlo maoy magkuha sa abo sa baka, ug ibutang niya kini didto sa usa ka dapit nga ginaisip nga hinlo, sa gawas sa kampo. Tipigan kini didto aron gamiton sa katilingban sa Israel nga pangsagol sa tubig nga ginagamit sa pagpanghinlo. Buhaton kini nga seremonya aron sa pagwagtang sa sala. 10 Ang tawo nga nagkuha sa abo sa baka kinahanglan usab nga manglaba sa iyang bisti, ug isipon usab siya nga hugaw hangtod sa pagsalop sa adlaw. Kini nga tulomanon kinahanglan tumanon hangtod sa kahangtoran sa mga Israelinhon ug sa mga langyaw nga nagpuyo uban kanila.
11 “Si bisan kinsa nga makahikap ug patay isipon nga hugaw sulod sa pito ka adlaw. 12 Kinahanglan nga sa ikatulo ug ikapito ka adlaw, hinloan niya ang iyang kaugalingon sa tubig nga ginagamit sa pagpanghinlo, unya maisip na siyang hinlo. Apan kon dili siya manghinlo sa ikatulo ug ikapito ka adlaw, dili siya isipon nga hinlo. 13 Si bisan kinsa nga makahikap ug patay ug dili manghinlo, nagpasipala sa Tolda sa Ginoo. Kinahanglan nga kanang tawhana dili isipon nga sakop ninyo. Ug tungod kay wala siya mawisiki sa tubig nga ginagamit sa pagpanghinlo, magpabilin siyang hugaw.
14 “Mao kini ang patakaran nga sundon kon adunay tawo nga mamatay sulod sa usa ka tolda: Si bisan kinsa nga mosulod sa tolda nga adunay namatay o kaha anaa nang daan sulod sa tolda panahon sa pagkamatay, isipon nga hugaw sulod sa pito ka adlaw. 15 Isipon usab nga hugaw ang bisan unsang sudlanan nga walay taklob nga anaa sulod sa tolda.
16 “Isipon usab nga hugaw sulod sa pito ka adlaw si bisan kinsa nga atua sa gawas sa kampo nga nakahikap ug tawo nga namatay pinaagi sa espada o kaha namatay sa natural nga kamatayon. Mao usab ang tawo nga nakahikap ug bukog sa patayng tawo o sa usa ka lubnganan.
17 “Aron makuha ang pagkahugaw, kinahanglan magkuha sila niadtong abo sa baka nga gihalad alang sa paghinlo. Isulod nila kini sa usa ka sudlanan ug butangan ug tubig. 18 Unya ang usa ka tawo nga ginaisip nga hinlo magkuha ug usa ka sanga sa tanom nga isopo ug ituslob niya kini niadtong tubig ug iwisik ngadto sa tolda ug sa tanang kagamitan niini, ug sa mga tawo nga atua sa tolda. Wisikan usab ang tawo nga nakahikap ug bukog sa patayng tawo, lubnganan, o kaha tawo nga namatay pinaagi sa espada o sa natural lang nga kamatayon. 19 Sa ikatulo ug ikapito ka adlaw, wisikan sa tawong giisip nga hinlo ang tawong giisip nga hugaw. Ug sa ikapito ka adlaw, ang tawo nga gihinloan kinahanglang labhan niya ang iyang bisti ug maligo, ug nianang gabhiona isipon na siyang hinlo. 20 Apan kon ang tawo nga hugaw dili manghinlo, kinahanglan dili siya isipon nga inyong sakop kay gipasipalahan niya ang Tolda sa Ginoo. Ug tungod kay wala siya mawisiki sa tubig nga ginagamit sa pagpanghinlo, hugaw pa gihapon siya. 21 Kini nga tulomanon kinahanglan tumanon nila hangtod sa kahangtoran.
“Ang tawo nga nagwisik sa tubig nga ginagamit sa pagpanghinlo kinahanglan usab nga manglaba sa iyang bisti. Isipon nga hugaw hangtod sa pagsalop sa adlaw ang si bisan kinsa nga nakahikap sa tubig nga ginagamit sa pagpanghinlo. 22 Ang bisan unsa nga mahikapan sa tawong hugaw mahimong hugaw, ug ang si bisan kinsa nga makahikap niini mahimong hugaw usab hangtod sa pagsalop sa adlaw.”
Ang Ikanapulog Lima nga Panaw: Gikan sa Ritma ngadto sa Perez 1489 hangtod sa 1452 sa wala pa si Cristo
19 Gikan sa Ritma, nagkampo sila sa Perez.
Ang Ikanapulog Unom nga Panaw: Gikan sa Perez ngadto sa Libna
20 Gikan sa Perez, nagkampo sila sa Libna.
Ang Ikanapulog Pito nga Panaw: Gikan sa Libna ngadto sa Risa
21 Gikan sa Libna, nagkampo sila sa Risa.
Ang Ikanapulog Walo nga Panaw: Gikan sa Risa ngadto sa Kehelata
22 Gikan sa Risa, nagkampo sila sa Kehelata.
Ang Ikanapulog Siyam nga Panaw: Gikan sa Kehelata ngadto sa Bukid sa Shefer
23 Gikan sa Kehelata, nagkampo sila sa Bukid sa Shefer.
Ang Ikakawhaan nga Panaw: Gikan sa Bukid sa Shefer ngadto sa Harada
24 Gikan sa Bukid sa Shefer, nagkampo sila sa Harada.
Ang Ikakawhaag Usa nga Panaw: Gikan sa Harada ngadto sa Makhelot
25 Gikan sa Harada, nagkampo sila sa Makhelot.
Ang Ikakawhaag Duha nga Panaw: Gikan sa Makhelot ngadto sa Tahat
26 Gikan sa Makhelot, nagkampo sila sa Tahat.
Ang Ikakawhaag Tulo nga Panaw: Gikan sa Tahat ngadto sa Tera
27 Gikan sa Tahat, nagkampo sila sa Tera.
Ang Ikakawhaag Upat nga Panaw: Gikan sa Tera ngadto sa Mitca
28 Gikan sa Tera, nagkampo sila sa Mitca.
Ang Ikakawhaag Lima nga Panaw: Gikan sa Mitca ngadto sa Hashmona
Ang ikakawhaag lima nga panaw: gikan sa Mitca ngadto sa Hashmona, o Azmon, o Selmona.
29 Gikan sa Mitca, nagkampo sila sa Hashmona.
Ang Ikakawhaag Unom nga Panaw: Gikan sa Hashmona ngadto sa Moserot
30 Gikan sa Hashmona, nagkampo sila sa Moserot.
Ang Ikakawhaag Pito nga Panaw: Gikan sa Moserot ngadto sa Bene Jaakan
31 Gikan sa Moserot, nagkampo sila sa Bene Jaakan.
Ang Ikakawhaag Walo nga Panaw: Gikan sa Bene Jaakan ngadto sa Hor Hagidad
Ang ikakawhaag walo nga panaw: gikan sa Bene Jaakan ngadto sa Hor Hagidad, o Gudgoda.
32 Gikan sa Bene Jaakan, nagkampo sila sa Hor Hagidad.
Ang Ikakawhaag Siyam nga Panaw: Gikan sa Hor Hagidad ngadto sa Jotbata
33 Gikan sa Hor Hagidad, nagkampo sila sa Jotbata.
Ang Ikakatloan nga Panaw: Gikan sa Jotbata ngadto sa Abrona
34 Gikan sa Jotbata, nagkampo sila sa Abrona.
Ang Ikakatloag Usa nga Panaw: Gikan sa Abrona ngadto sa Ezion Geber
35 Gikan sa Abrona, nagkampo sila Ezion Geber.