ஆலயத்தைக் கட்ட தாவீதுக்குத் தடை விதிக்கப்படுதல் (continued)

கி.மு. 1044

இண்டியன் ரிவைஸ்டு வெர்ஸன் (IRV) - தமிழ் (IRVTAM)

சங்கீதங்கள் 16

தாவீதின் மிக்தாம் என்னும் பாடல்.

1 தேவனே, என்னைக் காப்பாற்றும், உம்மை நம்பியிருக்கிறேன்.

2 என் நெஞ்சமே, நீ யெகோவாவை நோக்கி:

தேவனே நீர், என் ஆண்டவராக இருக்கிறீர்,

என்னுடைய செல்வம் உமக்கு வேண்டியதாக இல்லாமல்;

3 பூமியிலுள்ள பரிசுத்தவான்களுக்கும்,

நான் என்னுடைய முழுப் பிரியத்தையும் வைத்திருக்கிற மகாத்துமாக்களுக்கும்,

அது வேண்டியதாக இருக்கிறது என்று சொன்னாய்.

4 அந்நியதேவனை நாடிப் பின்பற்றுகிறவர்களுக்கு வேதனைகள் பெருகும்;

அவர்கள் செலுத்துகிற இரத்த பானபலிகளை நான் செலுத்தமாட்டேன்,

அவர்களுடைய பெயர்களை என் உதடுகளினால் உச்சரிக்கவுமாட்டேன்.

5 யெகோவா என்னுடைய சுதந்தரமும் என்னுடைய பாத்திரத்தின் பங்குமானவர்;

என்னுடைய சுதந்தரத்தை தேவனே நீர் காப்பாற்றுகிறீர்.

6 நேர்த்தியான இடங்களில் எனக்குப் பங்கு கிடைத்தது;

ஆம், சிறப்பான பங்கு எனக்கு உண்டு.

7 எனக்கு ஆலோசனை தந்த யெகோவாவை துதிப்பேன்;

இரவுநேரங்களிலும் என்னுடைய உள்மனம் என்னை உணர்த்தும்.

8 யெகோவாவை எப்பொழுதும் எனக்கு முன்பாக வைத்திருக்கிறேன்;

அவர் என்னுடைய வலதுபக்கத்தில் இருக்கிறபடியால்

நான் அசைக்கப்படுவதில்லை.

9 ஆகையால் என்னுடைய இருதயம் பூரித்தது, என்னுடைய மகிமை சந்தோஷித்து;

என்னுடைய உடலும் நம்பிக்கையோடு தங்கியிருக்கும்.

10 என்னுடைய ஆத்துமாவைப் பாதாளத்தில் விடமாட்டீர்;

உம்முடைய பரிசுத்தவான் அழிவைக் காண்பதில்லை.

11 வாழ்வின்வழியை எனக்குத் தெரியப்படுத்துவீர்;

உம்முடைய சமுகத்தில் பரிபூரண ஆனந்தமும்,

உம்முடைய வலதுபக்கத்தில் நித்திய பேரின்பமும் உண்டு.

சங்கீதங்கள் 118

1 யெகோவாவை துதியுங்கள், அவர் நல்லவர்;

அவர் கிருபை என்றுமுள்ளது.

2 அவர் கிருபை என்றுமுள்ளதென்று இஸ்ரவேல் சொல்வார்களாக.

3 அவர் கிருபை என்றுமுள்ளதென்று, ஆரோனின் குடும்பத்தார் சொல்வார்களாக.

4 அவர் கிருபை என்றுமுள்ளதென்று,

யெகோவாவுக்குப் பயப்படுகிறவர்கள் சொல்வார்களாக.

5 நெருக்கத்திலிருந்து யெகோவாவை நோக்கிக் கூப்பிட்டேன்,

யெகோவா என்னைக் கேட்டருளி விசாலத்திலே வைத்தார்.

6 யெகோவா என்னோடு இருக்கிறார், நான் பயப்படமாட்டேன்;

மனிதன் எனக்கு என்ன செய்வான்?

7 எனக்கு உதவி செய்கிறவர்கள் நடுவில் யெகோவா என்னோடு இருக்கிறார்;

என்னுடைய எதிரிகளில் சரிக்கட்டுதலைக் காண்பேன்.

8 மனிதனை நம்புவதைவிட,

யெகோவா மேல் பற்றுதலாயிருப்பதே நலம்.

9 பிரபுக்களை நம்புவதைவிட யெகோவா மேல் பற்றுதலாயிருப்பதே நலம்.

10 எல்லா தேசத்தாரும் என்னை வளைந்துகொள்ளுகிறார்கள்;

யெகோவாவுடைய பெயரினால் அவர்களை அழிப்பேன்.

11 என்னைச் சுற்றிலும் வளைந்து கொள்ளுகிறார்கள்;

யெகோவாவுடைய பெயரினால் அவர்களை அழிப்பேன்.

12 தேனீக்களைப்போல என்னை வளைந்துகொள்ளுகிறார்கள்;

முள்ளில் பற்றின நெருப்பைப்போல அணைந்து போவார்கள்;

யெகோவாவுடைய பெயரினால் அவர்களை அழிப்பேன்.

13 நான் விழும்படி நீ என்னைத் தள்ளினாய்;

யெகோவாவோ எனக்கு உதவி செய்தார்.

14 யெகோவா என்னுடைய பெலனும், என்னுடைய பாடலுமானவர்;

அவர் எனக்கு இரட்சிப்புமானார்.

15 நீதிமான்களுடைய கூடாரங்களில் இரட்சிப்பின் கெம்பீர சத்தம் உண்டு;

யெகோவாவின் வலதுகரம் பராக்கிரமஞ்செய்யும்.

16 யெகோவாவின் வலதுகரம் உயர்ந்திருக்கிறது;

யெகோவாவின் வலதுகரம் பராக்கிரமஞ்செய்யும்.

17 நான் சாகாமல், பிழைத்திருந்து,

யெகோவாவுடைய செய்கைகளை விவரிப்பேன்.

18 யெகோவா என்னைக் கடினமாகத் தண்டித்தும்,

என்னைச் சாவுக்கு ஒப்புக்கொடுக்கவில்லை.

19 நீதியின் வாசல்களைத் திறவுங்கள்;

நான் அவைகளுக்குள் நுழைந்து யெகோவாவை துதிப்பேன்.

20 யெகோவாவின் வாசல் இதுவே;

நீதிமான்கள் இதற்குள் நுழைவார்கள்.

21 நீர் எனக்குச் செவிகொடுத்து, எனக்கு இரட்சிப்பாக இருந்தபடியால்,

நான் உம்மைத் துதிப்பேன்.

22 வீடுகட்டுகிறவர்கள் ஆகாதென்று தள்ளின கல்லே,

மூலைக்குத் தலைக்கல்லானது.

23 அது யெகோவாவாலே ஆனது,

அது நம்முடைய கண்களுக்கு ஆச்சரியமாக இருக்கிறது.

24 இது யெகோவா உண்டாக்கின நாள்;

இதிலே சந்தோஷப்பட்டு மகிழ்வோம்.

25 யெகோவாவே, இரட்சியும்;

யெகோவாவே, காரியத்தை வாய்க்கச்செய்யும்.

26 யெகோவாவுடைய பெயராலே வருகிறவர் ஸ்தோத்திரிக்கப்பட்டவர்;

யெகோவாவுடைய ஆலயத்திலிருந்து

உங்களை ஆசீர்வதிக்கிறோம்.

27 யெகோவா நம்மைப் பிரகாசிக்கச்செய்கிற தேவனாக இருக்கிறார்;

பண்டிகைப் பலியைக் கொண்டுபோய் பலிபீடத்தின் கொம்புகளில் கயிறுகளால் கட்டுங்கள்.

28 நீர் என் தேவன், நான் உம்மைத் துதிப்பேன்;

நீர் என் தேவன், நான் உம்மை உயர்த்துவேன்.

29 யெகோவாவை துதியுங்கள், அவர் நல்லவர்;

அவர் கிருபை என்றுமுள்ளது.

சங்கீதங்கள் 110

தாவீதின் பாடல்.

1 யெகோவா என் ஆண்டவரை நோக்கி:

நான் உம்முடைய எதிரிகளை உம்முடைய பாதத்தின்கீழ் போடும்வரைக்கும்,

நீர் என்னுடைய வலதுபக்கத்தில் உட்காரும் என்றார்.

2 யெகோவா சீயோனிலிருந்து உமது வல்லமையின் செங்கோலை அனுப்புவார்;

நீர் உம்முடைய எதிரிகளின் நடுவே ஆளுகைசெய்யும்.

3 உமது மகத்துவத்தின் நாளிலே

உம்முடைய மக்கள் மனப்பூர்வமும் பரிசுத்த அலங்காரம் உள்ளவர்களாக இருப்பார்கள்;

அதிகாலையின் கர்ப்பத்தில் பிறக்கும் பனிக்குச் சமமாக உம்முடைய மக்கள் உமக்குப் பிறப்பார்கள்.

4 நீர் மெல்கிசேதேக்கின் முறைமையின்படி

என்றென்றைக்கும் ஆசாரியராக இருக்கிறீர் என்று யெகோவா ஆணையிட்டார்;

மனம் மாறாமலுமிருப்பார்.

5 உம்முடைய வலதுபக்கத்திலிருக்கிற ஆண்டவர்,

தமது கோபத்தின் நாளிலே ராஜாக்களை வெட்டுவார்.

6 அவர் தேசங்களுக்குள் நியாயந்தீர்ப்பார்;

எல்லா இடங்களையும் பிரேதங்களால் நிரப்புவார்;

அநேக தேசங்களின்மேல் தலைவர்களாக இருக்கிறவர்களை நொறுக்கிப்போடுவார்.

7 வழியிலே அவர் நதியில் குடிப்பார்;

ஆகையால் அவர் தமது தலையை எடுப்பார்.